唔知大家屋企用邊種鑊既呢？
依家周圍賣的主流鑊是易潔鑊，相信應該同佢唔易黏底有關。但係，我好怕佢個好易花既COATING，唔可以用粗質地既東西去洗佢，如果唔係就會廢左個鑊，因此，我唔會用易潔鑊。
新居既鑊原本係一隻唔知係咩鑊，總之就係以前中學讀家政學校用個D，無論你煮D乜、技術如何，佢既特點就係一定會燶，然後洗到你傻。
所以，妹妹送左我一個由細到大屋企用開既生鐵鑊俾我。生鐵鑊既好處就係唔易黏底，而且用咩洗隻鑊都得，但係缺點就係開始之前要用肥豬肉同埋韮菜去整隻鑊。我同媽咪都唔係太識點樣處理佢，所以買左之後一路放左係媽咪到，等爺爺係大陸番黎時幫我整。
早幾日終於將隻鑊拿了回家，媽媽千叮萬囑一定要洗到無黑色東西洗到出來才可以用。昨天，我用百潔布洗了十多分鐘，又試過煲滾水去淥它，已經洗得很累了，仍有黑色東西走出來，所以決定每天抽少少時間去處理它。
今天，聽個家務助理講，新的生鐵鑊還要用砂紙洗的，等我有時間去買張砂紙試試看。
處理這個生鐵鑊真的很麻煩呢﹗不過捱過這段時間就會令煮飯變得方便得多。唉…
所以，現時仍然每天用著那個舊的鑊，而新鑊則暫時只有看的份兒了。
其實我想知點解要用肥豬肉然後迫d由出黎…而唔係直接塗油上去然後開慢火呢？分別係邊呢？
咁我又無研究喎﹗不過我以估計，可能用肥豬肉慢火逼o的油可以拖長個傳熱程序，直接用油個鑊就會好快紅，紅到燶﹗@@
[版主回覆11/06/2007 23:41:00]都有咁既可能喎…
RE: 小昕子
你真係好勁，我跟你講既方法，塗了一層油在鑊面過左一晚夜之後，依家隻鑊真係無乜黑囉喎﹗勁呀﹗
補充﹕
塗油在鑊留過夜的目的係滋潤隻鑊，等隻鑊日後無咁易生锈。另外，韮菜係僻鐵味的，如果仲有鐵味，唔駛搵爺爺，自己買肥豬肉慢火逼o的油出來，將韮菜當布咁擦隻鑊就得o架喇。
不過你試o左用油滋潤過夜用tissue抹乾再洗，睇下得唔得先。另外，隻鑊無晒黑色o野正式用得後，頭幾次煮完洗乾淨抹乾後，又用油掃一層留過夜，咁隻鑊會噤用好多，日後都唔會咁易生锈。
[版主回覆11/06/2007 09:32:00]嘩﹗點解你咁熟依d程序既？尋晚我已經抹左油，今晚放工番去睇下效果點先…
其實我想知點解要用肥豬肉然後迫d由出黎…而唔係直接塗油上去然後開慢火呢？分別係邊呢？
我屋企用Amway鑊，曾幾何時，由於Amway隻鑊同套煲價值不菲，我們小心翼翼地清洗，而且更晚晚用Amway臉膜同隻鑊做facial，而家就話之佢啦，照省照洗。
不過其實屋企用熟鐵鑊好o的o架，輕身同易打理o的。如果你隻生鐵鑊仲有黑色走出o黎，應該係開鑊程序做得唔夠，唔駛用砂紙省o架，叫爺爺開多次隻鑊，然後用油塗滿佢，留層油過夜，第二日用紙巾抹一抹再洗。你試試。
[版主回覆11/05/2007 16:49:00]嘩﹗如果又要拎番去俾爺爺攪就好麻煩喇…或者我今晚直接試下塗層油係面先喇…thx
加油用砂紙省呀﹗因為：生鐵鑊是好的﹗
[版主回覆11/04/2007 00:47:00]係﹗我會架喇﹗
hi,首次到訪，我怕生鐵鑊會生锈所以唔敢用。
我估妳用開嘅係不锈鋼鑊，
[版主回覆11/03/2007 23:44:00]係呀…我諗用緊個隻應該係不锈鋼…
其實生鐵鑊只要洗完抹番乾佢就唔會生锈喇….之前我都試過洗完無抹乾…個表面生左少少锈…用百潔布省番乾淨都OK