我5個月大了！
今個月只有28日，30號出世的我究竟幾時先算滿5個月呢？媽媽早兩日才和暐姨姨討論這個議題，不過媽媽話時光小屋話今日我5個月大，咁就當係今日喇，越諗越覺得2月29日出世的小朋友好慘慘呢！
今個月我的生活有好重大的變化，因為今個月開始我逢星期一至五會去褓母姨姨屋企玩呀！褓母姨姨屋企仲有叔叔、大哥哥同細哥哥，佢地放工放學番黎都會同我玩架。不過，雖然褓母姨姨屋企好好玩，但我都係鐘意黏住爸爸媽媽，每日他們來接我時，我都會即刻望住佢地甜甜笑架。
近日最鐘意玩腳腳，一躺下來就要捉住，另外向左轉向右轉都得心應手，成個人90度打橫左都係我的絕技，但係翻身就仲差少少，唔知係咪因為著得太多衫？玩具方面最得我歡心的繼續是小海馬，依家都有興趣玩下其他玩具，要試下好唔好咬嘛！不過早幾日我俾自己拎住個麵包超人手鈴打到個頭，悶悶不樂左好一陣子呢！
我開始試奶奶以外的食物，近日媽媽每晚都會預備少少奶米粉糊仔俾我淺嚐，其實我好鐘意食，一直KEEP住張開口，但唔知點解食糊仔同奶奶不同，不是源源不絕，我心急嘛，其實我認我係食得有d唔耐煩，Sorry。另外，我尋日第一次用學習杯飲水水，雖然唔係成日成功啜到水水，但媽媽話練習多D就得，起碼飲水水唔駛等媽媽逐匙餵。仲有，早幾日媽媽俾我用脷仔試下蘋果的味道，我好鐘意呀，不過暐姨姨笑我用奶奶嘴去食，聽講爸爸特登買左個磨番黎預備磨蘋果茸俾我食，好期待呢！
學習有一個過程，現代媽媽通過分享經驗知多了，知道小孩成長有不同的階段須加以配合，故育兒方法也比以前大有進步。
網上的育兒資訊真的很多，不過另一個問題是資訊有真有假，又或者太偏激，很容易被誤導。
似乎杯子不錯呢，用了兩天就飲到水水了！當然yi
第一日就飲到少少喇~依個杯真係勁，暐姨姨無介紹錯~
用飲筒飲水不容易掌握呢！逸逸加油！
病左幾日無食糊仔無飲水水，唔知會唔會唔記得點飲水水呢？