二零二三年十二月二十六日(星期二)
今天起床終於停雨了，可以出露台欣賞一下湖景。
終於看見藍天，但是我們要跟LAKE ENTRANCES說再見了。
我們開車去WORTHWOOL那邊吃早餐，因為看GOOGLE MAP這兒有家叫做BEATT’S COFFEE的店，我期望是一家CAFE，來到後卻發現原來只是咖啡檔，於是唯有進超級市場看看有什麼好吃的。
進WORTHWOOL逛了一圈，只買到兩父女的飲品，以及買了超便宜的士多啤梨。
最後我們在外面的BAKERY買麵包，我選了APPLE & WALNUT，非常好吃﹗
買完麵包再去BEATT’S COFFEE買了我的LONG BLACK
就返上車享用早餐
吃過早餐，藥房也終於開門營業，身體不適的恆仔去買點藥之後我們就出發今天的行程了。
今日繼續大長征，由LAKE ENTRANCES玩到去BATEMANS BAY，全日駕駛共443km。
恆仔發緊燒，繼續我全日做司機，點解一出發就開始落雨架？
今日的第一個景點係WOMBAT HONEY SHOP，其實今早的頭三個景點都係睇GOOGLE MAP搵返嚟，首先SET咗由LAKE ENTRANCES至EDEN的路線，然後沿住路線逐個景點睇，從中揀咗幾個啱心水的成為我們今天的景點。
WOMBAT HONEY SHOP其實只是公路旁的一家小小的蜜糖店，我是被它卡通化的可愛造形吸引住。我們非常幸運，落車就停雨了。
這兒沒有店員，但係有CCTV，小屋內展示著各種口味的蜜糖以及各式各樣的相關產品，顧客自由選購。
我地都買了一樽HILL GUM蜜糖，自己入錢落錢箱就可以了。
下一站係13分鐘車程的GRAND VIEW LOOKOUT，可以在那兒欣賞SNOWY RIVER RAIL BRIDGE。
又可以落車鬆下腳，今次要行上一段小山坡，好彩又無落雨。
好廣闊的景觀
不過SNOWY RIVER RAIL BRIDGE係邊？
ZOOM埋去就見到喇~
SNOWY RIVER RAIL BRIDGE其實係維多利亞省最長的木造火車橋，全長770米，1916年開始投入服務，1987年已經退役，經過修復之後將會成為行人步道及單車徑。
之前係觀景台其實睇得唔係咁清楚，反而繼續上路原來會係SNOWY RIVER RAIL BRIDGE旁邊經過。
除咗觀景我都想行下NATURE WALK，揀咗依條全長1KM的MCKENZIE RIVER RAINFOREST WALK。
無諗過行山的時候唔單止無落雨，仲要有大藍天出太陽添呀~
MCKENZIE RIVER RAINFOREST WALK的地圖
沿路指示都好清晰
好開心係度見到紐西蘭成日見到的卷卷，澳洲跟紐西蘭就是鄰居，相信沿路都會繼續見到，於是我就叫逸逸幫手留意卷卷的踪影。
FERN都是雨林常見的植物
周圍都係FERN
仲有菇菇
又搵到卷卷喇~
雨林的另一個特徵就係有高高矮矮唔同層次的植物，真係即刻諗返起中學時代學的地理科。
中間要經過吊橋
其實條橋感覺唔係幾穩陣，行起上嚟都幾搖架~
中間經過MCKENZIE RIVER
點解步道旁邊有咁多被伐的巨木？
棵樹令我諗起峨眉山白龍洞的桫欏樹，桫欏樹屬於樹狀的蕨類槙物，是白堊紀時期遺留下來的珍貴樹種，唔知依棵又係唔係呢？
經過第二條吊橋
條橋又係好似無乜保養維修咁
好美的花
全程行咗大約半小時，最後其實行錯咗少少路，就係我地錯過咗個出口，好彩發現得早，覺得植物的形態看起來熟好熟面即刻臨崖勒馬行返轉頭，如果唔係就要多繞一圈了。