游完水沖完涼我地又出發，今晚預約了自助山食自助餐，食飯之前係商場逛下。
我們去逛新八佰伴的玩具部
依度有底褲外穿的超人
仲有好有型的白兵
不過最吸引我的是我係小忌廉的COUNTER
好多人話俾人知道鍾意小忌廉係出賣自己年齡，其實咁大個女企係隔離反正都出賣咗年齡架喇~
「星空裏萬物在轉 歷憶萬年……」話時話，我細個時係有小忌廉變身棒玩具架﹗
超巨型森林家族，正呀~
嘩~百貨公司入面竟然有旋轉木馬﹗不過唔係俾錢就有得玩，反而係憑即日消費單據就可以免費玩。咦~今日游水之前我地咪買嗰幾罐飲品咪係新八佰伴買架囉﹗廿四孝爸爸即刻長途跋涉咁返房搵返張單，逸逸有得玩喇~
唔記得咩原因逸逸有機會揀個禮物，佢揀咗個扭蛋，抽到一個有腳的蘋果。
繼今早在自助山吃過自助早餐，我們又過來吃自助晚餐了。我們在KLOOK買了自助餐券，價格較為便宜。自助山的自助晚餐有兩個OPTION，一個是自助晚餐，另一個是連享用即叫即煮鮮活海鮮，價格都相差$200，本身自助山食物出名多樣化，當然唔會額外加錢了。
食物種類多到嚇死人，被喻為自助餐界天花板真係當之無愧。
要在有限的肚容量之下去選擇食物，真係會出現選擇困難症，唯有主力食平日一般自助餐少見的食物，例如台式臭豆腐、鹽酥雞翼、日式斑戟、薑撞奶以及手打檸檬茶等等。
SPECIAL HIGHTLIGHT 1：帶住條龍躉巡遊然後一魚兩味，龍躉粥同龍躉湯都好正﹗
即叫即製印度飛餅，諗返起小時候去馬來西亞旅行夏叔叔晚飯後駕車上山帶我地食印度飛餅。
繼第一晚在珠海御溫泉吃了天花板級別的掃街自助餐之後，今晚絕對是天花板級別的酒店自助餐。
返房之後兩父女準時坐定定睇MGM Cotai隻獅子走出嚟，逸逸話見到獅子要同佢鞠躬，唔係會俾佢咬咗個頭喎。