二零二四年一月二十七日
剛剛去完澳洲旅行，決定帶逸逸去澳洲牛奶公司體驗一下。
排隊15分鐘可以入座，被安排坐柱後面一家三口自成一角，所以感受唔到店內匆忙的氣氛。
澳洲牛奶公司真係唔係浪得虛名，無得揀只係因為店家選擇貴精不貴多，逸逸自己可以差唔多食晒成份茶餐（淨係食剩一向都唔多喜歡的叉燒），連蛋碎都要食埋。
今次試埋佢嗰杏汁燉雞蛋，真係好好味。
PS 點餐後，恆仔同逸逸講食物眨吓眼就到，過咗一陣逸逸問點解食物仲未到，我已經咗好多次眼。逸逸可能係第一個抱怨澳牛速度唔夠快的客人！