二零二四年四月四日(星期四)
早上起來，繼續去自助山食自助早餐。
繼續都係要排隊入座，今日排隊時聽到有人與職員就入座安排有爭執，原因是客人未齊人故此職員只肯為已在現場的人安排座位。老實說如果餐廳大把空位也不配合就是無情，但當外面已經大排長龍還給你留位置，就是對正在外面排隊的人不公平了。
今日有職員安排咗兒童餐具俾逸逸，好可愛呀~
今日主力吃一些昨天未試過的食物
執好行李就CHECK OUT了
今日第一個行程係去試搭澳門輕軌。
當年睇住澳門輕軌興建，第一條氹仔線於2019年12月已經通車，不過因為疫情，一直未有機會搭。疫情後第一次再來澳門時已經想搭，但係當時唔記得帶逸逸的八達通，又唔係太啱路，最後無搭，所以今次點都要搭下。
最近我地酒店的是東亞運站，我計劃搭輕軌去媽閣站再轉巴士去今天早上的目的地 – 觀音像海濱休憩區。
不過原來只係想搭下澳門輕軌都唔係咁簡單，職員告知往媽閣廟方向停駛，不過我們的目的其實是搭輕軌，咁就改去氹仔碼頭喇，雖然其實酒店有免費車去氹仔碼頭……另外，明明記得上次最後無搭輕軌的原因係無帶逸逸八達通，但係今日來到東亞運站就話原來唔收八達通，真奇怪，可能當時看到輕軌通誤以為是八達通吧。
本來搭去媽閣可以搭8個站，依家去氹仔碼頭只有個站。
澳門輕軌是港鐵有份興建同營運，所以車廂內的配置都好熟悉。
澳門輕軌是全自動無人駕駛，所以前後都可以配置大玻璃，好靚。
小時候的逸逸肯定會想像自己是一架火車在路軌上行走
到站了﹗
我們在氹仔碼頭轉乘金沙酒店的酒店車，再行過去觀音像海濱休憩區。
我們大約11:40AM來到觀音像海濱休憩區。觀音像海濱休憩區位於科學館至觀音像的一段皇朝區沿岸，總面積約15000平方米，設有兒童遊樂區、步行徑、茶座、多功能球場、健身康樂區、門球場、滾軸溜冰場等休閒康樂空間，其中兒童遊樂區總面積就已經佔2,700平方米，可想而知有幾多嘢玩。
而主要吸引我要帶逸逸來的就是這兒的免費碰碰車，雖然說是要預約，不過目測沒有預約的人，全部都是即場排隊，而且也不用等太耐，基本上開始排隊下一ROUND已經可以玩。
第一時間梗係先玩碰碰車，睇逸逸個樣就知非常好玩，不過起初她是有點兒緊張的。
一場來到影下個觀音像先
遊樂場都有幾個ZONE，而且遊具全部都好大型，原來依個遊樂場多人起上來都要做人流管制，有得網上預約，亦可以現場排隊。
這個逸逸上到去驚到喊，但係真係無人救到佢，無論繼續向前定係原路折返都要靠佢自己，最後經鼓勵下終於挑戰成功。
又真係有啲恐怖既
遇到困難後挑戰成功特別開心
倉鼠逸
小朋友最鍾意依類屋仔做秘密基地
突然下起雨來，遊具變得濕滑爬來爬去會危險，小朋友都迅間被迫撤離，逸逸唔捨得走，就著住雨褸影下相。
好快就停咗雨，不過都差唔多要去吃午餐，排隊玩多轉碰碰車先走。
唔知點解有架咁復古的電車
離開之前影返張招牌相先