我們2:20PM來到黃金海岸機場，已經好晏，係機場搵個地方食咗午餐先。
為免浪費時間，基本上一拎好行李就搵附近最近見到的餐廳：MERLO COFFEE ROASTERS。
炸雞塊+薯條一定啱逸逸口味
恆仔食牛扒包，我就因為食咗飛機餐個牛油果SPREAD，簡單一點食個CAESER SALAD就算了。
食飽飽就直接坐UBER去酒店，都要坐成一個鐘頭先到。
今次我地入住PARADISE RESORT GOLD COAST，佢宣傳自己是”HEAVEN FOR KIDS…PARADISE FOR PARENTS”。揀依間酒店主要係睇中咗佢自己有個小小水上樂園，滿足到水上樂園控逸逸。其實佢仲有好多俾小朋友玩的活動，跟住佢個時間表去玩的話，全日唔離開酒店都無問題。
我們CHECK IN的時候，其中一個男職員知道我們來自香港之後就非常興奮。原來他是超級迪士尼FANS，在剛過去的夏天就去了香港迪士尼玩，好遺憾係當時的FROZEN園區仍未開幕。聽到我們已經玩過FROZEN園區，還要是年咭持有人，流露出非常羨慕的眼神。
酒店範圍好大，我們住在正中間的CLEO’S CASTLE。
房間有個好大的露台，好正﹗
SETTLE DOWN後就落去玩水，恆仔身體仲係麻麻地所以只有我同逸逸去。酒店的WATER PARK唔係好大，但係已經夠晒逸逸玩。
不過我地發現咗一個問題，就係唔記得帶水袖，於是叫咗恆仔去買。酒店的商店只買到俾BB用的水袖，不過好彩逸逸夠瘦，加上佢雖然未學識游水，但都已經叫做識咗大半，只係夠支撐BB體重的水袖已經夠晒佢用。
開頭佢要求我陪佢一齊玩，我都跟咗佢上去一次，好彩之後就夠擔自己玩，就算俾小水筒直接淋到成頭都係水都無問題。
我可以坐係度睇住佢玩，唔駛跟住爬上爬落。
我就最鍾意依個暖水按摩池，特別係無太陽晒住其實有啲凍，係度浸下超舒服，可以當自己浸緊溫泉咁。
千祈唔好獨留食物係泳池邊，唔係會俾依啲雀偷食。
後來逸逸同一班小朋友一齊玩波，雖然有幾個頑皮仔，但係又有幾個大人係度主持大局，所以個個小朋友都有份玩，有機會掂到個波。
睇下逸逸玩得幾輕奮
玩完水沖乾淨涼就去食晚餐。
我地係酒店的PENGUIN RESTAURANT食，可以一邊食一邊睇BLUEY卡通片。
一打開MENU我就俾依個SEAFOOD PLATTER吸引咗，正﹗
食海鮮要襯返杯白酒
逸逸就食佢最鍾意的長通粉
恆仔就食永遠都唔會輸的漢堡配薯條
隔離枱的小朋友突然走過來送咗個發光氣球俾逸逸，看來他們應該是明天要離開，又不能帶上飛機，所以轉贈俾有緣人，謝謝。
之後我地出去散下步逛下便利店買明天的早餐，逸逸買咗支CINNAMON的潤唇膏，我其實想勸阻，因為CINNAMON的味道唔係個個接受到，但她堅持要買，難得出奇地接受到這種強烈的味道。
我地又去EXPLORE酒店的其他地方：依啲全部都係我地無時間享用的設施。
遊戲機中心
KIDS CLUB時間表
溜冰場 – 除咗溜冰之外，仲會有ICE-SKATING SHOW睇，不過當然係要另外俾錢喇~