二零二三年十二月三十日(星期六)
今天我們要去MOVIE WORLD。
講到去GOLD COAST，印象最難忘的不是擁有海岸線長到睇唔到盡頭的滑浪者天堂，而是這兒的主題樂園。1994年的時候爸爸媽媽分別帶我們去了DREAM WORLD以及MOVIE WORLD，2001年跟SUMMER SCHOOL再次去了DREAM WORLD，所以今次我地要再去MOVIE WORLD。
今日早餐是昨晚在附近便利店買的食物。
今天我們要先搭輕軌到HELENSVALE，再轉乘巴士TX7就可以到達。
黃金海岸的交通咭是GO CARD，因為逸逸可以用兒童票，所以打算像在SYDNEY一樣只為逸逸買一張小童GO CARD，我和恆仔就用CREDIT CARD。不過我們昨晚去的便利店不是GO CARD售賣點，上車的輕軌站又買不到GO CARD，我們還是三個都用信用咭三個都付大人車費就算了。
黃金海岸的輕軌G Link，跟香港的輕鐵差不多。
來到Helensvale的巴士站就出問題了，我們排隊上巴士，但是巴士不收信用咭也不收現金，只收GO CARD。幸好旁邊有火車站，結果我們就要走到火車站售票處，買好兩大一小的GO CARD再回來搭巴士。
BURGER KING在澳洲叫做HUNGRY JACKS，同一款漢堡包LOGO夾住不同的英文字，感覺好奇怪。
大約10:20AM來到WARNER BROS. MOVIE WORLD
講到華納的電影世界，不得不提與迪士尼MARVEL世界打生打死的DC世界入面的英雄。
不過我更加喜歡華納的賓尼免。
走到大街，我們遇上了《學警出更》的三個滑稽警察，剛好JOKER在旁邊行過，恆仔問佢哋點解唔去捉佢，佢哋話太危險喎～
後來我地都同咗JOKER同埋HARLEY QUINN影相。
依個導演好似係有啲故事，記得後來係其中一間舖頭入面見過有介紹。
佢個樣熟口熟面，原來係凸務之王的AUSTIN
我地本來排緊隊，突然遇上Tom and Jerry，兩個Fans梗係要合照，我就留守繼續排隊。
我地係ROXY THEATRE排隊睇SCOOBY 4D電影
內容都幾有趣，逸逸仲好鍾意佢地添~
睇完4D電影出到嚟有歌舞表演，我地又睇咗一陣。
期間我地收到電話，仲要連續咁打來，即管接聽一下。原來是原本我們預約了明晚看螢火蟲的店家，她來電通知因為天氣關係行程取消了，會安排退款，很可惜呢~
電話亭入面的超人 – 影相的時候覺得超人係電話亭入面好理所當然，因為超人係電話亭入面換衫架嘛~係到寫BLOG的今天我又覺得睇超人電影無印象佢會係電話亭換衫，於是問下英雄電影通恆仔。原來曾經真係有一幕係講超人為咗救人，但又唔知點做好，然後去咗電話亭換過一次衫，而DC後來已經刪除咗呢一幕。
所以，只有IQ博士入面的超人先會在電話亭變身。
嘩﹗剛剛睇完SCOOBY & FRIENDS就見到佢地，不過已經截龍無得影合照。
我地轉左入去西部區域，無乜嘢玩，只有一些攤位遊戲，不過影下相唔錯。
我地參觀咗BATMAN SHOWCASE
BATMAN的戰衣
衣服也藏不住的肌肉
超有型的蝙蝠車
仲有各式各樣的蝙蝠面罩
依個係CAPTAIN COLD，恆仔特登話要同佢合照，當時佢有同我地介紹過，不過寫BLOG時我又要問佢一次佢係邊位。
跟住我地去逸逸的主場兒童區，見到招牌已經開心。
第一個吸引逸逸的玩意就係駕駛的士
做個小小的士司機
原本我地打算去排小火車，但係排咗一陣唔對路，條隊郁得有點慢，我地又要趕去睇SHOW，一陣再返嚟玩過。
依個HOLLYWOOD STUNT DRIVER好多人讚，唔可以錯過。
一邊睇SHOW一邊飲汽水食爆谷
逸逸話想食刨冰，我要佢確定食得晒先買。
綠色係蜜瓜味，佢又真係好努力咁遵守約定食晒佢。
現場表演飄移技術，真係好勁﹗
真係好刺激﹗
除咗刺激之外，仲加咗好多攪笑元素，例如永恆不滅的甩褲，總之就係大人細路都覺得好好睇。
開場之前邀請咗幾個現場觀眾拍攝咗幾個鏡頭，最尾經過剪接後連埋賽車的畫面成為一個故事，好有趣。
同演員遠距離影合照
我地又返去兒童區玩小火車 – YOSEMITE SAM’S RAILROAD。
依家小火車好巴閉，開車之後唔准影相，95年去真的YOSEMITE唔記得自己睇咗乜嘢，今次無相片記錄應該都好快忘記。
開車前可以自拍証明我地坐過依架小火車，所以記憶應該就只有架火車好窄，逸逸再大啲我地三個應該坐唔落。
我地行返出去大街食午餐，剛才睇SHOW食到個肚亂晒籠，不如簡簡單單食熱狗。
個熱狗叫做FOOTLONG NEW YORKER，又真係幾長，所以我同逸逸SHARE一隻熱狗就夠了。大家都係坐係人造草地上面食午餐，完全無搵位食飯的煩惱，好FREE。