二零二五年一月二十九日(星期三)
昨天比較晚睡，今天不忍心太早叫大家起床，出門吃早餐的時候已經10:20AM了。
我們去了酒店旁邊的麥當勞吃早餐，吃了MCGRIDDLES，飲了草莓玫瑰鮮奶咖啡，但係外賣杯完全掩蓋晒杯咖啡的華麗感覺，早知飲熱美式算了。
好彩影低咗張POSTER
今早是打算去議事亭前地湊熱鬧，由酒店行過去也不遠，不過人實在太多，有點寸步難行。
途中又影下相
明明行緊過來時仲聽到打鑼打鼓的聲音，行到過來舞龍舞獅都已經散了，好可惜﹗下次想睇真係要早啲起身。
唯有周圍影下相喇~
大時大節的重點影相位 – 位於議事亭前地對面的市政署天台。
原來市政署入面有一個名為「裝船歲月」的展覽，我地又入去參觀下。
原來造船業曾經是澳門重要經濟支柱之一，曾一度被坊間稱為“澳門第四大傳統工業”，許多人透過學師進入造船工業。
我們透過VIDEO睇咗一個已經轉行的造船業老師傅的故事，他由學師開始，慢慢晉升成為老師傅，後來造船業式微轉行後，空餘教人製作模型船。
這是船的龍骨，原來躺龍骨被視為不尊重和不吉利的表現，由於造船工作易生意外，所以船匠們都會盡量避免一切不吉利的東西。仲有原來造船唔笮年，清明、農曆七月鬼節都唔造船，船廠老闆如果預計今年之內完成不了的船隻，會通知客戶下年再造，如果新年同清明之間日子太近，甚至會清明後先開工。
証明完全學徒培訓
當年澳門還有造船子弟學校
這個伯伯可能曾經是船匠，他向友人講解得眉飛色舞。
隨便周圍行下，睇下有乜嘢好食，不過好多店家都因為過年休息。
美美的葡萄牙瓷磚畫
主教座堂大十字架
好想食葡撻，決定行去馬統領圍食瑪嘉烈葡撻。
瑪嘉烈葡撻無開，淨係見到老DAY牛雜排晒長龍。
經過御澳坊餅家見到佢個招牌花撻幾吸引
買咗嚟試又幾好味
跟住去咗對面幸運6檸檬茶買咗杯芭樂檸檬茶，好味~
恆仔話想食豬扒包，於是在旁邊澳門大排檔的外賣COUNTER買了豬扒包，貴而且味道一般，突然好掛住黑沙海灘的豬扒包。
食飽飽就搭車去港珠澳大橋口岸搭金巴返香港開始年初一拜年的行程喇，澳門再見﹗