離開teamLab Planets Tokyo，係時候要搵地方吃午餐，今日的目標是吃壽司。
向住豐州站走去，見到一架明治時代的火車頭，原來這是西武鉄道為慶祝芝浦工大附屬高中(當時名為東京鐵道中學)100週年而送贈的一部鉄道院403号蒸気機関車(SL)。
旁邊是遊樂場，本來都諗住俾逸逸玩一陣，但係太曬太熱，遊樂設施辣PAT PAT玩唔到。
經過商場的地面小小噴水池，忍唔住要參一腳入去玩下。
豐州站附近竟然無乜壽司店，唔通去晒豐州市場？又唔想花時間入商場，最後我地光顧了GOOGLE評分只有3.5分的築地銀一丁 豊洲店。
我特地點了香港比較少機會吃到但將太的壽司有提過的壽司，例如鰶魚仔壽司以及瓠瓜捲，也吃了價格夠貴的拖羅和海膽壽司，不過壽司的味道果然好一般，我好似真的很久沒有在東京吃過美味的壽司了。
還叫了一串魷魚，味道也很一般。
返回澀谷站，逛了一會兒商場，買了忠犬八公毛公仔，我地幫佢改名叫做八仔。逛得有點累午餐又吃得不滿足，決定去食下午茶。
澀谷周圍都實在太熱鬧，我地揀咗一家位於原宿MIYASHITA PARK 5樓的餐廳TWELVE ON THE PARK BAR & GRILL，環境好舒服，可以望到印象中全家餐廳只有兩枱客人，非常安靜。
我們點了兩杯飲品，分別是咖啡和橙汁。
食物點了看海報吸引了我們上來的TOP Pancake配牛油楓糖漿+Vanilla雪糕，個Pancake真係好好食，正過係謙倉食過的Bills Pancake。
另外個Basque Cheesecake都唔錯，不過我一向都覺得食親的Basque Cheesecake都未試過唔好食。
餐廳樓下有個平台公園，其實是將前宮下公園搬遷上樓。上網睇到話依度有個為了紀念多啦A夢50週年而設置的『多啦A夢 未來之門』銅像，為免花時間找特地問餐廳職員確實位置，點知原來已經搬走了。
我真的要投訴哪些沒有再確認實況又扮UPDATE的網頁，到寫BLOG的今天，即2025年5月3日，我還在網上找到聲稱自己寫於2024年12月的網誌在介紹多啦A夢銅像。
竟然係馬路上面見到死侍瞓係度巡街，係東京真的什麼事情也會發生。
八仔遇上巴士上的八仔
經過這家網上電台SHIBAYA CROSS，對面街都聽到佢個節目。
睇真啲原來可以睇到節目主持人添架~
明天要搭早機，我們今晚先搬去機場酒店。
坐NARITA EXPRESS去機場雖然貴，但係真係好方便。
之後再轉機場SHUTTLE去我們今晚入住的酒店 – 日航成田酒店
今晚終於有三張床，可以瞓得舒服啲喇~
本來一心打算坐酒店SHUTTLE去成田AEON MALL食晚餐逛超級市場，但我們剛剛趕不上SHUTTLE的班次，要坐的士過去又太貴，索性留在酒店吃晚餐。
酒店的餐廳SERENA有以西班牙以及蜜瓜為主題的自助餐，而且價錢相宜，今晚就食BUFFET喇~
食物款式也頗多，而且真的很有西班牙特色。
例如這個蕃茄凍湯以及冷麵，還要有INSTRUCTION教你點樣食，非常好﹗
Pot-au-feu Spanish Style，即西班牙式燉菜，好溫和的味道，感覺是可以經常吃的家常食物。
差不多所有甜品都是以蜜瓜為主題，加埋超甜新鮮蜜瓜配Parma Ham，超好味。
酒店外面還有另一家餐廳是吃BBQ的，看起來也很吸引，下次再來東京又要住機場酒店的話可以試下。
我們明天要早起，KIKI &八仔晚安。