二零二四年十二月二十三日(星期一)
今天起床梳洗之後又去酒店餐廳吃早餐。
個餐個VIEW真係超級正
今日我食即煮桂林米粉，樣樣配料都加少少，梗係唔少得逸逸最怕的臭筍喇~
依架係酒店我地住個座建築物的升降機，點解大家笑得咁開心？因為佢喺地下個層係兩面門一齊開的，爸爸係度搞笑入LIFT時直接係對面行返出去，所以咪令到大家笑到肚痛囉~
食完早餐又去浸溫泉~
今日仲影咗好多靚相~
雖然天氣好凍，但係風景實在太靚，浸完溫泉換衫之前都忍唔住要再影相，亦記錄一下溫泉附近的環境。
逸逸等酒店SHUTTLE的指定動作
我就再去觀景台欣賞美景
今日輪到兩婆孫坐車尾，一路V嘩鬼叫又不時大笑，話好刺激喎~
沖乾淨涼換好衫執埋行李CHECK埋OUT，就將行李寄存係酒店櫃枱。我們酒店其實就位處十里畫廊景區內，所以決定靠雙腳展開今天的旅程。
酒店正門的牌坊
旁邊就是金寶河，也可以在這裏乘竹筏遊山玩水。
連綿的山峰
行出去就是龍潭碼頭，龍潭碼頭是遇龍河景區竹筏休閒漂流的精華游段之一。這兒有可坐8人的大竹筏，連老人嬰兒都可以坐，不足5人按5人計就可以包船，遊覽時間需時大約45分鐘，我們打算回來的時候如果有足夠時間可以坐坐。
我們打算行去月亮山景區，大約1.6公里，行咗大約30分鐘。
沿路無乜車，風景都幾靚，只係太陽曬咗少少，行到成個身熱晒。
經過存放竹筏的地方
原來月亮山景區跟大榕樹景區一樣因為整修正在關閉，完全在網上找不到相關資料。
這時有一個駕駛著電單車的大媽過來找我們搭訕，說帶我們去一個不用買門票又看到月亮山的地方。
果然跟住大媽行，轉個彎就去到一個可以影到月亮山的空地，當然一邊行一邊她也有問我們要唔要去食飯，可以給我們介紹餐廳，不過時間尚早，所以也婉拒了。
空地對出有一個攤檔，我們買了鮮榨甘蔗汁嚟飲，又甜又解渴。
攤檔除了賣蔗汁，還有得租民族服裝影相，其實店家完全無向我們推銷，反而勾起我的興趣，即管問下有無小朋友的衣服。
店家索價只是RMB20一張相，即係最便宜RMB20就有得著靚衫影相。
攝影師姨姨會教埋逸逸擺POSE，又提供埋道具影相，最重要係佢唔會阻止我地用自己相機影相。
這是我IPHONE的作品
我地同逸逸的合照
最後我幫襯佢買咗4張相，盛惠RMB80，佢會印埋出來過埋膠俾我，最後佢仲加咗我微信，SEND晒全檔相俾我留念，我欣賞她的作品願意花錢，她感謝我的慷慨給我送相，這些就是互惠互利。