二零二四年一月二日(星期二)
昨晚約好今早要坐9:20AM的酒店SHUTTLE去機場，所以雖然昨晚半夜才到酒店，今早7:30AM就要起床了。
雖然只是宿一宵，不過都可以享用一個豐富的自助早餐。
無諗過係機場酒店瞓一晚第二朝食個早餐就去機場都會有Highlight，就係早餐可以自己整果汁！材料分別有蘋果、羽衣甘藍、西瓜、薑、西芹以及甘荀。
恆仔果然係果汁達人，平日有新奇好玩嘅嘢通常都係我第一個去試，今次竟然係佢。佢話唔洗自己洗實在太爽，可以整好多杯。
我都唔執輸要試吓
我個杯除咗薑乜都有落
逸逸個杯就係蘋果、西瓜和甘荀，可以自己㨂材料同比例，逸逸超級興奮。
另外我好欣賞佢加咗個泵的NUTELLA，真係又方便又朝淨。
好可愛的英文句子：An Eggcellent way to start your day 同埋 Egg your way﹗
有凍燕麥食我就已經好滿足，再加埋自選即榨果汁，正呀﹗
HOLIDAY INN MELBOURNE AIRPORT是一家好有歷史的酒店，在LOBBY可以看到攝於1969年酒店PRE-OPENING的照片。
酒店SHUTTLE BUS準時到達
機場已經人頭湧湧了
攪好晒CHECK IN仲有好多時間可以周圍逛下影下相。
充滿澳洲特色的M&M
諗返起我們剛剛到MELBOURNE時都有搭過TRAM，不過依個款古老得多。
機場仲有好多熊貓，逸逸揀咗同佢合照。
臨上機前繼續努力做功課
我地繼續坐QANTAS
全程機都是日照時間，機程會感覺更加長，剛剛瞓醒真係瞓唔到，唔知飲少少酒幫唔幫到手？所以一上機派SNACKS已揀咗飲酒。
睇咗暑假完甲子園就一直想睇的台灣電影《KANO》，係講台灣嘉義的棒球隊在日治時期進軍甲子園的故事。
午餐時間，食咗乜都唔記得了。
為什麼我的飯餐沒有飲品出現，但突然卻出現一支酒？話說到我點飲品的時候，剛上機已經飲了白酒的我想試試紅酒，但剛好來到我的時候車上沒有，職員叫我稍候，結果等了又等，總共問了三次職員又忘記了三次，第次終於送上我要的紅酒。
其實善忘應該是QANTAS職員的通病，因為今次旅程總共坐了四程QANTAS，有三次都漏派餐或餐前小食的情況。
有雪條食係HIGHLIGHT
中間無聊要食下零食
跟住又食晚餐
終於返到香港喇~不過我唔可以話今次旅程完滿咁結束，因為結束得不太完滿。
話說我落咗機同日已經發現自己漏咗個POWER BANK係飛機，於是我就聯絡咗香港機場的LOST AND FOUND，機場LOST AND FOUND回覆有另一間公司負責處理QANTAS的LOST AND FOUND，但那家公司的電話卻長期未能接通，於是我寫電郵給QANTAS的CUTOMSER CARE，他就叫我去聯絡機場的LOST AND FOUND……
於是我就像人球一樣，旅程之後繼續為我的POWER BANK忙亂了好幾天，結果還是空手而回，為這敞旅程留下了遺憾。