二零二五年八月二十日(星期三)
今天早上終於可以看看酒店房間的景觀。
可以看到頭頓長長的海岸線
我們先到酒店頂樓的餐廳吃早餐
食物的味道好一般，我又特別試了新奇的食物，今早就試了紫色糯米飯以及加了肉鬆的蛋糕。
食完早餐就開始出發今日的行程，今天早上我們要去耶穌山，沿住海邊的大馬路走只是大約1公里的路程，好近。
由酒店前往耶穌山的路上周圍都係雞蛋花，隨地都可以拾到。
愛美的就將雞蛋花簪在鬢邊
我們來到耶穌山的入口了
耶穌山的入口有保安駐守，主要功能是什麼，就是對參觀者的衣著把關。原來入去不可以穿背心，裙或褲也要及膝，爸爸媽媽恆同Day就拉底啲條短褲，我今日條褲拉唔低喎。
妹妹本身的衣著是背心短褲，成身都唔合格，所以在入口前的小商店豪花14萬盾買咗T恤長褲入場。
我係雪櫃後面（無門）換咗背囊入面嗰條長少少的替換短褲，都要多謝老闆娘無幫襯佢買衫都咁熱心，不過我哋返落嚟之後有幫襯買雪條。
2025年在天主教會來說是禧年，今次的主題是「希望的朝聖者」，後面的LOGO全球的聖堂都看得到。
行咗一小段梯級就來到這家靚景Cafe – Holy Beans，我地都坐低飲杯嘢RELAX一下。
我地仲係度玩POKEMON GO，打倒這兒的巨化頭目，佔領了能量點。
耶穌山上有大量和聖經有關的雕塑，這是吞下約書亞的鯨魚嗎？
雞蛋花的花瓣好容易就散，小朋友玩仙女散花超興奮。
見到12個人就以為係12門徒，雖然唔識越南文但點睇啲音都唔啱，原來係12小先知。
我們一邊參觀一邊行上山頂
行到第400級樓梯喇
阿妹自從買咗機票嚟越南之後就開始用App自學越南文，雖然未能成功問到廁所係邊度，但就識得睇十戒某幾戒。
聽耶穌講道
終於來到山頂耶穌像了
我們也沒有錯過這兒的POKEMON GO道館
好美的花
耶穌腳下旁邊有個小聖堂
聖物都好靚
原來如果要登上耶穌之肩對衣著更加嚴格，只有妹妹的衣著合格，最後由妹妹帶住三個無衣著要求的小朋友做代表爬上去耶穌的肩膀。
耶穌左邊膊頭上面的人仔就係阿妹同曉逸詩。
原來耶穌像入面係咁既，真係轉到頭都暈。
返落嚟經過剛才的靚景Cafe – Holy Beans關了門，原來是午休。
再行前幾步聖堂附近的士多也拉了閘，我地真係又熱又口渴呀!
好彩入口的商店仍然營業，我地終於可以買冰凍的汽水雪條喇~
本來原先的計劃是去完耶穌山就找個地方吃午餐，再去做SPA，但依家身水身汗做SPA攪唔掂，點都返去酒店沖個涼先，所以決定今天的午餐就是酒店的ROOM SERVICE。
沖完涼就係爸爸媽媽的房間集合，只有他們的房間有露台和浴缸。
叮噹~食物嚟喇~
開餐
食物有鹹蛋炒飯、肉醬意粉、夏威夷PIZZA、PAD THAI同埋水果盤。
DAY同妹又係樓下便利店買了飲品
仲買咗薯片添~
食完午餐仲可以舒舒服服玩多陣CARD GAME先出發。