今天黃昏參加了酒店舉辦的日落雲海團，我們準時5:35PM回到酒店集合。
旅館職員分兩次接參加者到離阿里山森林遊樂區大約5分鐘車程的89.5K觀景台。
我們就是搭依架車過去
一來到觀景台，望出去什麼也沒有，只是一片白濛濛。
觀景台介紹牌上告訴大家應該看得到的大凍山、二萬坪山、芙蓉山、福山、二延坪山、隙頂、象山以及頂笨仔山，全部都看不見。
這個團如果看不到日落雲海的話是可以退款的，不過旅館職員看起來也沒有擔心，還先問我們每組人拿一個手機，幫大家SET好腳架玩縮時錄影。
大約10分鐘之後天空的雲層開始打開。
幾分鐘後雖然仲未見到太陽，但已經開始見到大藍天了。
6:10PM終於見到日落了﹗
雲海+日落真的美極了﹗
旅館職員仲幫我地一家三口影合照，一家四口至啱，唔好漏咗KIKI。
擺盡POSE影靚相
真係要登上高山先至見到咁靚的景觀，對上一次見到好靚的雲海已經係2010年去峨眉山上金頂了。
依段片就係旅館職員幫我地SET腳架錄下的整個過程和變化
旅館職員送我們回到阿里山森林遊樂區，我們就去吃晚餐。
出發前曾經在網上查過，很多人推介在山賓餐廳吃火鍋，所以雖然要排隊我也決定要嚐嚐。
凍冰冰食過材料非常豐富的石頭火鍋即刻暖笠笠，加個蕃茄炒蛋就係我哋今晚的晚餐。
跟住又趕返去酒店參加晚上的觀星活動。
觀星活動有兩轉車的參加者，我哋係Round 1先上觀景台，我哋到時都仲見到啲星。
第二Round參加者到埋之後雲層變厚，只係間中出現一兩粒，其實我們夾在兩層厚雲中間都幾有趣。
偶然亦會見到月亮
本來旅館職員話等到9pm都睇唔到就走，依個團睇唔到星星係可以退錢的。但係職員好積極咁教我哋手機拍攝星星的技巧，又展示他的佳作，講下講下走時已經9:10pm。
回程時去到公交轉運站突然間發現雲層飄散，即刻放低我哋落車睇星，再去接埋其他參加者落嚟。
真係多返好多星星，用肉眼睇到晒北斗七星。
職員又幫我哋set架用手機影星星。
依張相仲好好彩捕捉到流星添呀
就係圈住個個位
大約9:45PM就返到酒店，快手快腳輪流沖涼，早啲瞓覺，明天要一早起身睇日出﹗