我地又去探索下LEGOLAND的其他地方。
我們來到IMAGINATION
首先玩咗依個最瘋狂的遊戲，就是要自己拉自己上去放手就跌落嚟的跳樓機，真係有血有汗﹗
恆仔好力拉埋輕磅的逸逸也會很累，難為有個媽媽帶住個比逸逸大的女兒出盡九牛二虎之力痛苦的向上爬⋯⋯
我自己拉自己，第一轉算是輕鬆的，總共上咗三轉，最後一次其實已經唔係太想繼續，只係憑住跑步嗰份要堅持到最後的狠勁先至完成到。
我地趕去LEGO CITY個邊睇PARADE，經過依間會噴的消防局，逸逸興奮到傻咗﹗本來以為今次可以玩到RESCUE ACADEMY扮消防員，點知都係唔夠時間。
4PM開始有巡遊，好彩無落雨可以繼續演出。
這兒有駕駛學校，讓小朋友駕駛LEGO車、LEGO船及LEGO飛機，DRIVING SCHOOL就係渣依款車喇~
大約10分鐘的巡遊，唔算太吸引，最有趣的就是在巡遊隊伍入面發現了昨晚在酒店LOBBY聖誕劇的演員。
跟進我地去咗LAND OF ADVENTURE玩DINO ISLAND。
個個都重裝備，我地兩母女點算？
恆仔無玩幫我地影，同我地坐同一架船的都是香港人，同我地一樣都係無雨褸。
睇吓成身由頭濕到落腳的逸逸幾興奮
所以我話Dino Island係最矜貴的RIDE，因為個個先去紀念品店買晒雨褸先去玩，無買就要好似我哋咁玩完要即刻幫逸逸買替換衫，至於我，就忍一陣等佢乾喇~
下一站我地去咗THE ULTIMATE FERRARI EXPERIENCE。
首先排隊同依架同實物原大的LEGO Ferrari F50影返張相先，可以坐上去架﹗
如果唔影相可以直接入去砌跑車，不過同香港LEGO DISCOVERY CENTRE一樣，因為人太多，最困難的部份係搵齊四個轆。
同香港一樣可以TEST下架車，我地無車可以玩，睇咗一陣就走咗了。
穿過MINILAND又參觀一下
上次來的時候覺得LEGOLAND好熱好熱，今次又好似好好多，點解？除咗因為陰天之外，最重要係附近種咗好多樹，同埋MINILAND多咗個頂，不過多咗個頂的壞處係影相無咁靚。
下一站係新園區：LEGO NINJAGO WORLD
同NINJAGO依個系列唔係好熟，人物太多搞唔清，只係知道佢地每人都有唔同的大自然力量。
好多靚靚影相位
MASTER WU AND MISS WU
依個做忍者的Game好好玩
仲可以玩攀石
又熱又累，坐低飲啲嘢休息一下。
因為逸逸買咗衫可以抽奬，兩父女坐低休息時我就出咗大門口放低抽獎券，不過依家諗返都覺得自己好傻，因為抽中咗都唔會知亦領唔到獎。
BOATING SCHOOL都好似好好玩，好彩依個大人都玩得，希望下次有時間玩。
我地去咗依個唔駛點排隊的LOST KINGDOM ADVENTURE，有少少似香港的古堡歷險，但係依個感覺好古老，畫質都差好多。
最後玩埋BEETLE BOUNCE，逸逸一向都最鍾意依類型玩意，依個RIDE最搞笑係雖然有七個位，但係入面有幾個小朋友位，所以如果嗰轉大人多係坐唔滿要等下一ROUND的。
入夜之後的MINILAND
入口主舞台做緊CHRISTMAS SHOW
我地就去SHOPPING買下紀念品，買咗個行李牌俾逸逸的新行李箱。
搬走咗個廁所會唔會無得用？
玩到差唔多8pm先返酒店，真係超級攰，好彩酒店就係隔離。
已經唔想再去附近的商場吃飯，今晚又幫襯酒店餐廳，試了單點的DI MATTONI。
飲返杯雞尾酒RELAX一下。
沙律、PIZZA、意粉，樣樣都好味道。