本來以為我們早到可以提早搭3:10PM台灣好行的班次離開阿里山，點知原來乘車的人很多，所以最後上唔到車的，最後都係搭返我們預想的3:40PM班次。
阿里山再見喇~
山上天氣真的變幻莫測，突然大霧到周圍都矇查查。
中途站搭車落山的人都好多，但我們本身在總站上車時其實已經滿座，但巴士接受企位，在彎彎曲曲中的山路中走廊企滿了乘客，都咪話唔誇張，我決定同逸逸擠一擠讓站在我們旁邊的女士一齊坐，叫做幫得幾多得幾多喇。
不過後來又陸續有人落車，慢慢巴士再次歸於平靜。
大約6PM我們回到台鐵嘉義站。
嘉義站前留影
剛剛搭完兩個半鐘巴士，再要搭1小時20分鐘的火車回高雄。買火車票時票務員問我介唔介意有半程無位座，梗係唔介意喇，我淨係想早啲返到高雄咋﹗
好彩未去到臺南已經有位坐，逸逸對於唔係自己個位好緊張，我話如果有人坐你俾返佢咪得囉。
返到高雄，去返康橋商旅 – 高雄站前館CHECK IN同埋放低行李，就出嚟搵地方吃晚餐。
向住六合夜市的方向走，最後揀咗依間川老頭鍋貼與煎餃。
等食中……
酸辣湯
北京炸醬麵
椰菜蒸餃
韮菜鍋貼
食物樣樣味道都唔錯，不過又唔係超級好味，就係正常的意思。
食完餃子去埋六合夜市買鹽酥雞
正﹗
臨瞓前飲咗四季茉莉氣泡風蜜酒，好清新呀﹗