二零二六年七月十八日(星期六)
籌備了半年的意大英國之旅終於出發了﹗
今天我們乘搭8:15PM的航班，為了預留足夠的時間上機前吃點東西，以及讓逸逸可以去機場的「奇妙巨蛋」玩一陣，所以我們5:30PM就係屋企搭UBER出發了。
這趟UBER行程有兩件事值得記低：
第一就是我們的行李差點放不下，最後要拉下後座其中一面椅背放我們的小行李，我和逸逸就擠在尚餘的一半位置。其實我們只是帶一大一小行李，根本不可能放不下，估計司機的車子還很新怕撞到才這麼謹慎，如果放進我們的車子，我們絕對會直接將它放到前座副駕位。
第二就是這架車有一個很大的天窗，逸逸看得好興奮，一講之下原來她也早已忘記了我們以前的灰色車車也是有天窗的。
今次我們是搭中國國際航空，不知是否因為要轉機的關係，未能成功使用自助CHECK IN，不過人工櫃檯排隊的人也不多，好快就搞掂。
去年聖誕來到機場人很多，最後只能夠在「奇妙巨蛋」玩5分鐘，今次可以盡情咁玩了。
上到飛機派得飛機餐可能已經9點幾，上機前食少少嘢先，我都係第一次嚟依間麥當勞咋，好靚喎~
我地食麥樂雞、脆香雞翼同埋薯條，逸逸雖然依家食辣叻咗，但脆香雞翼暫時對她來說仍然係太辣。
今次我地係20號閘口登機，點解依個閘口無香港機場最經典嗰個打咭牌既？
唯有ZOOM埋去再影，係呀，我地架機DELAY咗40分鐘，我地去到北京只有1小時45分鐘轉機，聽講北京轉機都耐耐地，依家淨返1個鐘頭鬆啲趕唔趕得切？我真係有少少擔心。
久違了的航空公司報紙，選擇只有文匯報和大公報，不過依個年代仲有幾多人會拎嚟睇？
上機了，短途飛機無電視，搭3個半小時就到，有晒心理準備就無問題。
中國國際航空SERVE飛機餐的順序係先SERVE飲品，再SERVE餐點，然後再供應一轉飲品，第二轉飲品才有酒類，餐後的咖啡或茶也是這個時候供應的。
晚餐係福建炒飯，好好食喎~仲有克力架同埋LOTUS BISCOFF做小點心，亦飲咗紅酒，LOTUS FISCOFF係惹味的焦糖餅一定好食，估唔到逸逸話克力架都好味。
講開克力架，真係好多年無食過，難得一見，引發起同恆仔一番有趣的對話：
我：如果有牛油塗克力架食就好喇，細個時候屋企係會咁食。
恆：我有聽過人咁食，但係我無試過，因為細個時屋企無西式嘢。
我：克力架係西式嘢？
恆：牛油係西式嘢，我屋企無牛油的。
我有點驚訝恆仔細個時屋企無牛油，但諗返起其實我地依家屋企都係無牛油架，哈哈~
零時42分我們抵達北京首都國際機場，比原定時間遲了接近1個小時，不過一落機我們就不再擔心了，因為電話已經收到航空公司的消息，我們前往米蘭的飛機要DELAY，還要DELAY到明早5AM，很錯愕也很無奈，唯有見步行步。
我們首先要過安檢，之前上網睇有人話係北京轉機都要睇回鄉咭，所以我地都帶定，不過今次經驗話俾我知只要出示護照就可以了。另外一個重中之重的檢查項目就是尿袋，今次旅行因為要係北京轉機特地買了3C認證加QR CODE的尿袋，安檢人員也有仔細望尿袋的SPEC，但係就無去SCAN個QR CODE。
第一次來北京的逸逸好興奮，已經講定好想下次來北京旅行。
逸逸好鍾意依個機場品牌大使 – 紅色小龍”都都”
影靚相
順利找到我們的登機閘口，飛機果然由1:30AM DELAY到5:00AM，問了櫃枱職員大約4AM回來就可以了，依段時間我地點算好？
我有搵過可以過夜的地方，不過價錢真係好貴要RMB150/小時/人，小朋友半價，假若我們在這兒由1:00AM休息至4:00AM，一家三口就要RMB1,350，但只睡三個小時不見得可以好好休息，好像不太值得。
還是在候機大堂躺躺就算了，反正搭長途機還有大把時間睡睡醒醒再睡睡。
逸逸要躺在我的大腿上才睡得著，所以我也只是閉目養神，除了坐得PAT PAT有點累之外，最壞的是附近跟我們同樣要睡候機大堂的人在吃杯麵，真係好香呀~