二零二五年十二月二十九日(星期一)
第二次返嚟再住HOLIDAY INN SINGAPORE ORCHARD CITY CENTRE，今次我地有訂自助早餐，之後幾日都可以係酒店食完早餐先出發去玩。
每次去酒店食自助早餐其中一樣最期待的食物就係凍燕麥。
第一晚來到時行過DECATHLON，當時人地預備收舖行唔駛，今日有時間再慢慢行。
竟然有場地可以試ROLLER或者SCOOTER，太正了﹗其實新加坡烏節路都係貴價地段，點解人地做到香港做唔到？
今天的行程係為咗第一次來新加坡的逸逸而設的市區遊，恆仔第一次來新加坡都有安排類似的行程。
我們搭地鐵到萊佛士坊站，一出來就看到ANDERSON BRIDGE。
一場來到當然不能錯過跟位於新加坡河畔呈現過去新加坡生活的寫照的雕塑影下相。
《Bullock Cart Statue》紀念早期新加坡的牛車交通與牛隻貿易，反映當時的生活方式。
《The River Merchants》描繪華人、馬來酋長與歐洲商人洽談生意的場景，象徵多元文化交流，今次加埋現代人逸逸，進階成為跨時空交流。
依個係大家都熟悉的《First Generation》，描繪孩童跳入新加坡河的場景，象徵昔日生活與童趣，逸逸話要幫手推佢地落水。
裝飾得好靚的CAVENAGH BRIDGE
先影小小魚尾獅
再影大魚尾獅，每個第一次來新加坡的人都要到此一遊。
全家幅
順便影埋MARINA BAY SANDS，之前在LEGOLAND睇過用LEGO砌出來的場景，今日就見到真身了。
暴鯉龍都要出黎合照，佢地係咪有幾分似樣？
我地仲係度食咗魚尾獅雪條添~
探完魚尾獅我地要去食蟹米粉，我係蟹米粉的瘋狂愛好者，第一次食就係2013年美姨帶我們吃，一試傾心；2015年去法國旅行新加坡轉機，因為有優惠就決定係新加坡住一晚適應時差，約美姨食蟹米粉，這次她推介了位於Ang Mo Kio的龍海鮮螃蟹王，是另一種風味的蟹米粉，不過仲好食，好食到我返到香港自己買蟹煮嚟食添呀﹗
今次我地都係幫襯龍海鮮螃蟹王，不過Ang Mo Kio店只做晚市，只有午餐時段有空的我們只好預約Tanjong Pagar店。
新加坡的新舊交融
時間來得有點早，就算可以提早入座都未肚餓，我地去咗附近打POKEMON GO團體戰，仲加咗幾個新加坡朋友。
完全是現代建築的普陀寺，好少見。
起初我以為Tanjong Pagar是商場，原來是一個民生式的綜合大樓，連供奉神像的位置都有。
網絡都說客人很多一定要訂位，當年跟美姨去Ang Mo Kio店確實也是座無虛席，今次我確實有訂位，可能因為是平日的下午，所以餐廳其實只有幾枱客。
我們沒有好餓，所以只點了一鍋蟹米粉以及一碟西蘭花。蟹米粉都係好食，但係確實無印象中咁好食，上次美姨因為識個老板特別留咗大蟹，係咪因為咁所以上次特別好食？定係真係Ang Mo Kio店好食啲？定係依家水準差咗？定係我的口味改變咗？
不過隻蟹鉗都的確係啖啖肉好味道既~起碼第一次食的逸逸係給予讚賞的。
慢慢散步返去地鐵站，經過一個公園影下相。
玩下雙人鞦韆
食咗咁多嘢要做下運動呀﹗