二零二五年八月二十四日(星期日)
來到旅程的最後一天，一早起床先按課表來個晨跑。
本來又係打算去Gym，今次唔知點解拍咭入唔到去Gym Room，唯有出街跑。
原來越南都唔少人晨跑，不過更加多人游水，酒店對面個屋苑泳池未夠8am已經塞滿人。
睇地圖見到酒店後面有條沿住河邊大直路好似幾好跑，所以揀咗依條路線，果然好多人係度跑步，點知原來條路係睇唔到條河的。
越南的行人路保養維修唔係幾好，地磚好多鬆或者爛，危機四伏，跑步要好小心。可能因為條路過橋前未入市區車都唔多，好多越南人索性跑馬路。
終於見到條河
跑夠2.5KM就開始回程
可惜無帶現金，如果唔係真係想試下幫趁街邊的早餐檔。
5KM EASY RUN完成
跑完步返到酒店見到爸爸媽媽正在吃早餐
沖個涼換件衫就到我地落去食早餐
食完早餐休息一陣就去享用一下酒店的INFINITY POOL
本來爸爸媽媽今早打算只做Gym唔游水，見到我哋玩得咁開心又忍唔到換衫落水一齊玩。
我的爛玩豬
接住落嚟我地就出發去機場了，依程車妹妹一早在網上預約了接送，唔知間公司出咗咩狀況，派唔到大車過嚟，結果搵咗兩架細車接我地，妹妹好生氣，因為咁同我地自己叫GRAB有乜嘢分別？最大分別就係叫GRAB便宜好多。
我地去到機場先食午餐
望住飛機升降食飯好正
今次越南之旅食咗五碗Pho，係機場食到依碗最似香港食到的味道，亦係相對最無咁好食的一碗，我要強調佢唔係唔好食，只係唔夠其他好食。
個粉包都係正常口味
返香港喇，越南再見！臨上機前用埋手上的越南盾，店員好勁咁幫我用到一毫子都無剩。
我漏低咗6隻Pokémon係越南Stay behind
印象中飛機餐的味道都唔錯
返到香港啱啱遇到記者訪問運動員，不過唔知佢係邊個呢？