二零二五年十二月三十一日(星期三)
來到旅程的最後一天，是逸逸其中一個非常期待的環節。雖然今個旅程都去過水上樂園，但一直對於因為雷暴未能在LEGOLAND酒店泳池游水耿耿於懷，難得在新加坡住的酒店都有泳池，今天吃早餐之前就先同逸逸去游水。
雖然依家係12月，但係我地明明去咗熱帶地方，點解泳池水可以咁凍？不禁令我諗起2023年去澳洲過聖誕又係凍得不可思議。
恆仔留係房度瞓覺，我帶住我的黏黏寶貝兩個人嚟游水。
由細到大一玩水就瘋狂，今日啲水太凍，一定要KEEP住游先至叫做無凍到震。
游完水沖完涼就食早餐，食完早餐就CHECK OUT搭車去機場了。
迪士尼郵輪終於有亞洲航線，以新加坡作為母港，所以新加坡樟宜機場有好多DISNEY CRUISE的宣傳，CHECK IN寄好行李買埋手信之後就可以去周圍影下相。
首先係以小魚仙為主題的影相位：
另一個係介紹DISNEY CRUISE的場
希望好快有機會上船玩
因為我地一早已經寄咗行李，本來諗住出咗境入咗禁區之後買咖哩炒蟹醬料帶返香港，點知原來新加坡係臨去到候機室先過安檢，即係買唔到有液體的東西上飛機，所以下次來新加坡，記住買好晒嘢先好寄行李。
吃午餐
在航班上我看了以韓國燒酒為主題的電影《國寶風暴》，又看了四個短篇新加坡的小影集包括介紹一家預備退休的60年山瑞湯老店的老闆、OG RADIO QUEEN BELINDA SUNSHINES回歸電台的一天、新一代經營新加坡老店珍美真、以及一個新加坡廚師的生活，這個回程航班節目非常豐富呢﹗