二零二六年二月二十八日(星期六)及二零二六年三月一日(星期日)
經過4個月的排練，逸逸的第一個參與演出的音樂劇《小海白》終於要上演喇~
在屯門大會堂一連兩日共四場的演出
故事大綱：
小海白(中華白海豚)穿越時空，潛入深海，從未來回到現在，與一班好朋友小珊珊(海豚小姐)、阿Clean(小海龜)和泰迪(小海狗)組成「小海白地球拯救隊」聯同年輕科學家鐵郎一起對付專門破壞與污染環境的惡多巴斯(八爪魚)及他的鯊癲兵團(一群兇惡的鯊魚)，拯救日漸被嚴重污染的地球。
我作為舞台劇愛好者的感想：
惡多巴斯同埋班鯊癲兵團真係好正，點解壞人可以咁Charm？
——————————————————————————————————————-
DAY 1 第二場 謝幕
DAY 2 第二場 謝幕
兩日四場《小海白》公演大功告成
多謝公公婆婆同埋暐姨姨一家捧場
我作為媽媽的感想：
舞台真係一個神奇的地方，怕羞的逸逸平日答老師問題老師差唔多要睇口型估答案咁滯，但竟然可以在舞台上大聲的唱歌和唸對白。
舞台真係一個神奇的地方，小朋友們演出未開始之前仲係後台玩緊傻瓜遊戲成班BB咁，一踏上舞台就變得無比認真，以及非常成熟。他們熟知自己的任務，所有出場走位都自動自覺不用提醒，轉場換衫懂得把握時間，演出時出現狀況也從容面對：跌倒了雖然好痛爬起身繼續演；帽子想跌就自己扶住但不忘繼續自己的台詞；跌了道具還可以考慮到繞一個圈再去執比返轉頭執更合適⋯⋯
————————————————————————————————————-
後記：
今次逸逸飾演三個角色：
角色一：海洋生物蝦仔
角色二：沙癲兵團Sadinner
角色三：污煙漳氣
出入後台的PASS
化妝室合影
戴咪
今次爸爸勞苦功高，差不多成個星期全時段都係後台做SUPPORT。
我做家長義工在星期日 2pm場幫手換衫，再次諗返起當年在新亞劇社的歲月，好懷念啊﹗
小朋友的後台FUN TIME
所有演員合照
演員+工作人員+家長合照
由監製高志森先生頒發演出証書
逸逸話係台上面好玩過做觀眾喎~
BEHIND THE SCENE：
最後一星期的綵排日子，每天逸逸一放學就先係車上做功課，然後趕去綵排，直至10PM先離開，返到屋企立即沖涼瞓覺，第二朝一早又要爬起身返學。
究竟要幾熱愛依個活動先頂得順？