二零二六年四月九日(星期四)
今天是旅程的最後一天，我們起床之後首先去食早餐。
食飽飽早餐，執好行李CHECK埋OUT，我地直接帶埋行李CALL UBER去礁溪，今天我們要去浸溫泉﹗
籌備行程的時候睇咗幾間礁溪的日歸溫泉，最後揀咗礁溪星河傳說溫泉水世界。礁溪星河傳說溫泉水世界最具吸引力的其實是它有一條五層樓高的滑水梯，不過我們來的時候是平日，滑水梯早上不開放，無緣試下有幾刺激。
今天上午除了無得玩滑水梯之外，室內SPA都封咗無對外開放，酒店都好均真，入場費平咗少少俾我地。
我地首先要在更衣室換衫，原來LOCKER要自備硬幣，現金由入咗男更衣室的恆仔拎住，佢又無聽電話，我都唔知點算好。後來先知道原來他也在更衣室處理緊LOCKER問題，反正攪咗一輪終於可以出去浸溫泉了。
不同香氣不同溫度的溫泉池
透過不同力度和角度水柱按摩身體不同的部位
本來打算讓逸逸興奮一下的兒童嬉水池雖然有開放卻沒有開噴水設備，沒有水的加持根本連滑梯都玩不到，當時逸逸當然非常失望。
不過後來在復活節假後學段三科學課正好在學習摩擦力的課題，而書中提及水滑梯是其中一個可以減低摩擦力的例子，結果因為曾經親身體驗，所以一講就明。
沒有開放的室內SPA區
雖然有失望的部份，但整體來說這兒的設備都比一般台灣的溫泉多樣化，而且因為人不多，逸逸比較興奮也打擾不到其他人，恆仔又可以盡情的睡熱石床，所以好享受今天早上浸溫泉的時光。
我們預約了2:15PM有車送我們去桃園機場，時間差不多我們就先梳洗好，再在附近吃午餐。
附近無乜選擇，最後揀咗依間小周牛肉麵水餃。
一人一碗清燉半筋半肉牛肉麵，另外點了高麗菜水餃、皮蛋豆腐鹵蛋同埋豆乾，味道一般喇~
司機準時來到中冠礁溪大飯店接我們，大約一個多小時就到桃園國際機場了。
時間尚早，寄好行李之後就去咗美食廣場食甜品，我地揀咗小南門傳統豆花。
恆仔食紅豆豆花、逸逸食紅豆湯丸，我就最貪心，揀咗最多材料的豆花花生粉粿粉圓。
機場PLAYROOM門口遇上HELLO KITTY
逸逸已經超齡了﹗
逸逸去玩的時候，我去咗買咖啡。
跟住就一齊係機場周圍影下相，桃園機場每個候機室都有唔同的設計，有時間值得慢慢參觀一下．
布袋戲的角色羅喉
原住民的船
仲有介紹台灣各個原住民部落
POKEMON彩繪機
台灣再見﹗
係飛機食埋個青醬雞肉意大利粉就返到香港，今次台北宜蘭之旅就完滿結束了﹗