離開EDEN之前我地先去入油。
恆仔開始成為熟手技工，所以每次入油都由佢負責。
油缸見底咁滯都只係入HK$400油，真係比香港便宜得多﹗
下一站係130公里以外的AUSTRALIAN ROCK，依段路GOOGLE MAP話1小時36分，但實際上我地用咗1小時45分鐘先到，因為我地係度經歷咗一場超級大雨。
我都係第一次在超大雨之下在山路駕駛，最嚴重的時候能見度恐怕唔超過5米，恆仔叫我考慮先將車停在一邊待細雨再走，問題係我連路肩有幾闊旁邊是否安全都看不見，情願戰戰兢兢的繼續前行，不過其實戰戰兢兢都行緊80KM/HR，絕對是一次難忘的經歷。
好幸運的來到今天最後一個停留小鎮NAROOMA雨又停了，我們來這兒是要尋找野生海獅。
我們順著入海口防波堤向前行
一直走到WAGONGA HEAD都見唔到野生海獅的身影
這兒超級大風，吹到頭都就黎甩。
再仔細向下面的石頭堆搜尋，終於搵到喇~
佢地真係好可愛
因為依度又大風又大浪，成日話要逸逸鍛鍊一下的恆仔叫佢學下楊過，係海浪中鍛鍊武功，做海獅大俠喎~
依度除咗可以睇野生海獅之外，這兒還有一個網紅打咭點 – AUSTRALIAN ROCK。
這塊海岸巨大岩石，被海水侵蝕出了一個大洞，意外地形似澳洲地點而得名。
影完相我地就再駕駛一個小時車到今晚住宿的BATEMANS BAY。
來到今晚入往的酒店QUAYS HOTEL時已經7:30PM了。
這房間索價接近HK$2000一晚，聖誕節去澳洲旅行所有嘢都真係貴到嚇死人。
駕了車一整天，已經不想再駕車出外找吃的，所以我們散步向著地圖顯示最多商舖的方向走去。
酒店旁邊竟然是一家CLINIC，因為恆仔身體不適，我們經過時也特地去看看他的營業時間，打算明天沒有好轉就要去看醫生，幸好最後吃過今早在藥房買的藥之後身體已有好轉，最後不用看醫生。
途中經過一家賣FISH AND CHIPS的斯里蘭卡餐廳，但座位不太舒服，已經累壞的我想找家好一點的餐廳用餐；之後經過BATEMANS BAY SOLDIERS CLUB見到二樓的餐廳看起來很美，這餐廳是行會員制，不過登記護照後也可以光顧，點知今晚我地竟然把平日都放在身邊的護照留了在酒店。
地圖上看起來食肆及商店雲集的商店區原來在晚上沒有我想像中熱鬧，不少餐廳已經關門，本來已在打定輸數係咪要食DOMINO PIZZA，幸好我們找到這家BAYVIEW HOTEL的餐廳。
這家餐廳提供PUB FOOD，實在太好了。
這是一家裝修有點老舊的RESTAURANT AND PUB，一邊是餐廳一邊是酒吧，要自己分別行去餐廳及吧枱點食物和飲品。依度除了可以睇波之外，仲有得玩BINGO，我估算是小賭怡情的玩意吧﹗
我和恆仔都吃牛扒，逸逸就吃長通粉，味道都唔錯，絕對好過食快餐多多聲。
兒童餐還送一大袋禮物。
經過一日長途駕駛，又係要酒精麻醉一下的時候，今日有得飲COCKTAIL實在太好了，依杯BAYVIEW PASSION好好味~
我地一字排開咁坐，因為前面有電視，可以一邊用餐一邊睇球賽。
食飽飽散步返酒店
對出海面我們看到仍然有實際作用的燈塔
我淨係知BATEMANS食生蠔出名，睇嚟八爪魚都係ICON。
飯後果係今朝係超級市場買的士多啤梨，唔算好甜，但係依盒只係A$2，抵到爛﹗