二零二四年三月三十一日(星期日)
這個變形金剛跑真的是一波三折。
原本2023年9月2-4日領取選手包，結果因為惡劣天氣改期至9月4-6日；到9月10日比賽當日再次因為黃雨而改期，不過其實當日逸逸本身病咗唔能夠參賽，改期反而係一個好事。
今次比賽是恆仔提議參加，他和逸逸參加1公里親子跑。本來我沒有打算參加。後來諗下諗下都決定落場玩下，不過因為不喜歡倉鼠跑的原故最後揀咗3公里挑戰跑。
比賽TEE可以揀博派小隊或者狂派小隊，結果造就了：博派恆、狂派曦、博派逸。
起步分精英區及一般區，寫明達一定配速可在前面的精英區起步，但係只要你自己話自己係就可以了。
預備出發了﹗
開跑前其實係同變形金剛一齊影相架，不過我企咁後乜都睇唔到。
反而逸逸就有機會影到相
不過開跑時我都睇到佢地有份同我地打氣
3公里跑的路線 — 今次係第二次來科學園參加跑步比賽，第一次跑科學園外圍海濱，今日天氣唔多好，好彩我跑的時候只是偶而灑下幾滴雨，之後8公里賽事跑手就全部要打水戰。
難得跑短途3公里，所以都想衝下成績，雖然今日又熱又濕，但係做到配速5:24/km真係好滿意，不過真心辛苦過早兩日跑10公里入元朗。
跑完JOIN返兩父女等親子組賽事的開始
去麥當勞飲返杯凍美式休息一下
飲完嘢仲有大把時間，出去玩下攤位遊戲。
今日有足夠的時間玩晒所有攤位遊戲。
攤位遊戲的小禮物雖然只是小零食，但係明顯比上次SNOOPY RUN的抗皺精華吸引得多。
終於等到親子跑開跑，親子跑用潮水式起步安全好多。
1公里路線
逸逸今日好神勇，無喊累無停低keep住跑，大約8分鐘完成，做得好好﹗
領取完賽獎牌
周圍影下相
午餐係科學園的日本餐廳，食物好有水準，正﹗
後記一：
今次參加的人數不多，加上今次入咗屯門牛的變形金剛跑比賽GROUP，大家分享咗好多不同的運動攝影師的作品連結，今次搵到好多攝影師的靚相，多謝攝影師。
後記二：
參加長跑比賽的心態一向都係挑戰自己，因為一定唔會嬴，當然亦唔會包尾，所以出成績都係睇下大會時間跟自己的手錶比較一下。無諗過今次我竟然係女子35-49歲組別竟然跑第五，雖然只係得46個人跑，但已經好驚喜了。