二零二三年十二月二十七日(星期三)
今天早上終於看到陽光了。
收拾行李CHECK OUT後，我們就駕車去了昨晚吃晚餐的小區吃早餐。
我們選了這家BATEMANS BAY ICE CREAMERY的戶外位置吃早餐，順便享受一下溫暖的太陽。
望住個海食早餐，正﹗
好靚的雀仔
一人一份MINI BREAKFAST，其實係EGG BENEDIT，繼續飲LONG BLACK。
我之前提到澳洲無糖無奶啡之選只有LONG BLACK沒有AMERICANO，對我來說兩者最大的分別是LONG BLACK溫度比AMERICANO熱得多，所以店家通常都會用兩隻紙杯隔一隔熱。兩隻紙杯就會好容易出現錯視的問題，杯蓋以為蓋好其實未蓋好。因為咖啡太熱要打開蓋散熱之後又蓋唔好就倒瀉咖啡成為我在澳洲經常發生的事，包括今天早上，好彩行李就在車尾箱，可以換返套衫先再出發。
CUTE CUTE
一場來到BATEMANS BAY，一定要食生蠔，我去咗一家魚店買生蠔做我的第二份早餐。
入面無BATEMANS BAY OYSTER賣，只有SYDNEY ROCK OYSTER，A$25一打，是但喇~ 都叫做NSW SOUTH COAST LOCAL OYSTER FARM供應，我地都就快到SYDNEY架喇~
雖然細細隻，但係都好鮮甜。
BATEMANS BAY係度假勝地，可惜我地要趕路，無辦法慢慢享受依度。
來到自駕遊的最後一天，今日要駕駛335公里去到SYDNEY。
恆仔身體仍然不適，我繼續全程當司機。
第一個目的地是駕駛24分鐘去PEBBY BEACH睇野生袋鼠。
原來依度係屬於YURAYGIR NATIONAL PARK的一部份，可以係度露營，重點係泊車要收費。
費用係A$8/24小時，如果嚟玩一日就唔貴，但我地只係逗留15分鐘就超級貴。依個係駕車落到嚟沙灘旁邊的價錢，放低駕車係山上面行落嚟就免費，不過一來一回又無咗好多時間，就當係體驗一下係澳洲國家公園點樣俾泊車費喇~
出發之前恆仔同逸逸講笑話去澳洲搵沙灘上面戴住太陽眼鏡飲汽水的袋鼠，點解依度啲袋鼠無留係沙灘，上晒草地食草嘅？
依隻個袋入面有袋鼠BB㗎！
逸逸又扮袋鼠
因為依度的全部都係野生袋鼠，所以無影相BACKDROP，無得餵袋鼠，亦無袋鼠相關的禮品店，只係可以在不要打擾到袋鼠的情況下靜靜觀察和拍照。
我係依度踩咗落泥窪，結果成腳都係泥，好彩依度有水喉可以沖腳，如果唔係都唔知點上返車。