2024年的生日由朝食到晚，全部都高質。
午餐二人世界，去了海景嘉福洲際酒店的海景軒飲茶。
點咗龍蝦湯鮮竹卷、XO醬炒蘿蔔糕、蝦餃、燒賣、蝦腸同埋叉燒，除咗個個腸粉我唔太鍾意佢個皮之外，樣樣都好好味。
等埋逸逸放學一家人夜晚去咗黃金海岸酒店的粵食晚餐。
總廚推介套餐好精彩，由味皇逸監定過實無錯。
喜歡乳鴿的恆仔大讚個乳鴿，淨係鍾意食加工肉的逸逸竟然食咗四份一隻，仲要食得好乾淨，佢真係好擅長睇煮出來的肉好唔好食，平日我哋點乳鴿佢係唔食的。然後佢話全晚最好食的是「雞汁蠔皇扣花膠伴天山靈菇及唐生菜膽」入中汁滿汁的唐生菜。至於我，樣樣都咁啱食。
依個係叫俾逸逸的兒童餐主菜：迷你瑤柱肉崧泡稻庭麵，當然成碗食晒喇~
返屋企之後切埋蛋糕，過了一個簡單愉快的生日。