下一個節目係大約駕駛40分鐘去CLYDE RIVER BERRY FARM摘藍莓。
問返當時係行邊一條路線其實真係答唔到，澳洲郊區唔係每一個地方都上到網，印象中出發時係開唔到GOOGLE MAP，只係我知道大約方向駕駛了一段路先SEARCH到條路。然後原來CLYDE RIVER BERRY FARM係位處深山，網上”HOW TO GET THERE”都話出咗公路之後進入森林開始收唔到GPS，要跟住”BERRY FARM”的指示牌走，最後在深山行了一段頗長而且彎彎曲曲又崎嶇不平的山路才到達目的地。
去澳洲梗係最想摘車厘子，不過缺點就係逸逸對於車厘子的喜好都幾飄忽，摘完得我一個食真係好無癮。好彩上網搵到CLYDE RIVER BERRY FARM，佢主要係種藍莓，藍莓係逸逸的ALL TIME FAVOURITE，絕對可以放心。
至於恆仔，無論車厘子同藍莓都唔啱佢口味。
一大片藍莓田
摘藍莓首先要去搵負責人拎工具，同埋放低每人A$2入場費。
藍莓A$20/KG，摘幾多俾幾多錢。
農場職員教咗我地大約應該點揀藍莓，再俾咗一個筒我地就可以開始摘藍莓了。
摘藍莓當然係要揀藍色的，紫色、粉紅色、綠色的都係未成熟的藍莓，要留返佢係度繼續成長。
要揀依啲睇落好飽滿，摸上手又漲卜卜又結實的就VERY GOOD﹗
熟得滯淋咗又或者俾雀仔食過就千祈唔好揀
因為成熟的藍莓唔算好多亦沒有好集中，開始時要指俾逸逸睇邊度有好的藍莓。
請按上圖睇下逸逸摘藍莓
後尾就自己都識搵識揀嚟摘
依粒好大粒好飽滿
我地只係摘咗大約100G，即晚食得晒的份量就夠了。
摘完藍莓俾完錢就係小食亭食藍莓乳酪雪糕，好好味。
恆仔就飲檸檬梳打
因為農場收唔到網絡開不到GOOGLE MAP，所以要先問農場職員借個WIFI上網，連上了GOOGLE MAP開導航才懂得離開的路線。回程途中突然遇上了一隻袋鼠在前面跳過，有如突然衝出馬路的小孩子，幸好車速不快趕得及煞車，有驚無險大家都安全，這件事都算係今次自駕遊的其中一個HIGHLIGHT。
返回公路之後繼續前往下一個目的地YAMS BEACH，走了大約40分鐘，仍有大約40分鐘才到達目的地，時間已經有點晚，大家都已經肚餓，於是在路上經過的一個叫做ULLADULLA的小鎮停下來吃午餐。
我們在OPORTO食葡萄牙式快餐
恆仔食漢堡，逸逸食炸雞，我就食材料非常豐富的PULLED CHICKEN BOWL。
食飽飽去隔離逛逛澳洲的戶外用品店BCF (BOATING, CAMPING, FISHING STORE)
好壯觀的魚杆陣
可以買橡皮艇
超級多各式各樣的露營設備，香港地方細都會追求輕巧的設備，澳洲大把地方，設備都係大大件﹗我地係度買咗靚靚調味料樽。
有機會我都好想係澳洲露營呀~