二零二三年八月十二日(星期六)
暑假雖然非常忙碌，不過點都要抽時間去一趟迪士尼，因為創夢家華特 ‧ 迪士尼先生的銅像將要登錄香港迪士尼樂園，而在正式放置在永久位置之前設立了一個「創夢家預覽館」，展出華特 ‧ 迪士尼同米奇老鼠的啟迪故事，以及來自華特迪士尼檔案館的珍藏，並於8月5日至9月30日優先開放予「奇妙處處通」會員，所以我們也特地去湊湊熱鬧。
創夢家預覽館要預約進場，未夠鐘先去商店逛逛影下相。
依個就係未來會放係香港迪士尼樂園旋轉木馬旁邊的銅像了。
華特先生因為每個星期六帶兩個女兒去公園玩旋轉木馬，覺得應該構建一個讓家長和小朋友一起玩樂的地方，造就了迪士尼樂園的出現。
一個看起來很簡單的夢想，實現起來原來可以好偉大。
生日狂歡慶典 – 當時逸逸成日睇米奇妙妙屋，一見到唐老鴨同埋黛絲就諗起佢哋交換咗把聲的情節。
奇妙唱遊大冒險 – 一貫迪士尼的熱鬧歌舞SHOW
逸逸睇得好投入
第一個遊戲揀咗當時最鍾意的IRONMAN
午餐係火箭餐廳用餐，點餐區多咗好多MARVEL卡通人物。
依家夠高自己扮太空人影相了
森林河流之旅非常投入，依張相梗係經過獵頭族時影架喇~
真係痴線，要擔遮就唔好玩水喇~個個拎住把遮太危險了，今日我唔俾逸逸入去玩。
好靚的米奇頭像，一陣我地係度睇SHOW。
買咗小小世界意式雪糕船食住等
夏日泡泡派對
邀請小朋友一齊出去跳舞
周圍都係大小泡泡
逸逸自小都係見到泡泡就瘋狂
邀請小朋友一齊幫手製造泡泡，超開心。
去玩小小世界
剛剛日本返嚟，仲要著埋和服，去到日本區特別有FEEL~
Pixar水花大街派對
逸逸對於水量太少覺得好唔滿足，無辦法，上次去USJ個Mario Show係濕透，真係無得比！不過重點係兩個Show的Reminder Announcement 內容係差不多！
天氣咁熱真係要飲返杯ICE AMERICANO消下暑
奇妙處處通會員仲有禮物帶走添呀~