離開ULLADULLA我們繼續向HYAMS BEACH進發，因為塞車的關係，原本40分鐘的車程，花了差不多1個小時才來到HYAMS BEACH。
我們來到HYAM BEACH時已經4:15PM了，今日終於無落雨，可以落水玩了﹗
HYAMS BEACH以淨白粉沙著稱，根據健力士世界紀錄大全，HYAMS BEACH更被喻為世界上最白的沙灘。可惜今日天氣不佳，完全看不到白沙的魅力，不過對於逸逸來說，有得玩水就是這兒最有吸引力的地方。
雖然現在是澳洲的夏天，但其實天氣很清涼，落水都幾凍。身體不適的恆仔沒有落水，坐在沙灘上顧東西和幫我們影相。
來到澳洲第一次落水，終於親身感受了這兒的浪，真係好勁，我真係唔敢放開逸逸隻手，驚佢俾浪沖走。
玩了沒多久就開始落雨了，大家都冒著雨頂著冷排隊沖身，真怕逸逸會冷病。
我們在HYAMS BEACH停車位的旁邊看到漂亮的鳥兒。
下一站係大約1小時15分鐘車程的KIAMA BLOW HOLE，我們來到的時候已經6:30PM，今晚還要駕駛大約2小時返去SYDNEY還車，內心其實好不安，不過我作為唯一的駕駛者又無能耐唔休息一次過駕駛3個小時，所以都停一停影個相休息一下。
好美的白色KIAMA燈塔
依度最出名就係睇由火山爆發後形成的自然奇景 – Kiama Blow Hole。依個噴水同當年係紐西蘭睇的LADY KNOX GEYSER用CHEMICAL REACTION準時做反應不同，係真真正正的自然現象。
所以噴水上來有時好弱有時好震撼，恆仔觀察咗一陣已經搵到佢噴水的跡象，但就睇唔出佢噴得勁唔勁。
依度環境好靚，其實都唔係咁想來去匆匆，不過始終要趕返悉尼，我地影多兩張靚相都趕住要離開了。
最終我們在8:30PM來到今次在SYDNEY入住的HOLIDAY INN DARLING HARBOUR，因為我是訂房人，所以恆仔同逸逸在車等候，我一個人拎住兩個喼+其他大件物品先去CHECK IN同埋拎上房放好，再一齊去還車。
因為還車時間已經過了辦公時間，所以還車過程非常簡單。我們只要按照指示自己取票泊入指定停車場的指定範圍就可以了。
白色車車再見﹗雖然我地只係相處了短短三日，但係我地一齊度過咗1126公里，辛苦晒喇~
將泊車咭放係車入面，再將車匙放入收集箱就還車完成﹗不過，後來我地先諗返因為太夜太累，還車前我地唔記得咗入油，因為信用咭俾咗DEPOSIT，由佢係入面扣錢就算了，我都無理佢最後扣咗幾多錢……
還車的地方其實係喺PYMONT區連接住一個叫做THE STAR SYDNEY的賭場，其實距離我們住的酒店似近還遠，根據GOOGLE MAP顯示只有1.7公里，行路大約只要25分鐘，不過因為已經好夜，我們打算搭的士過去。點知一上車講完目的地之後的士司機唔打算起錶，仲要開價A$20，結果我們CALL UBER，只要A$12.82仲要即刻有車……
返到上酒店房已經9:30PM了，仲要未食晚餐……
好彩我地住係市中心，周圍都仲好熱鬧，仲有少少餐廳仍然營業。
我地揀咗一間韓國餐廳HONEY食晩餐
餐廳雖然有不少韓國懷舊元素的裝飾
但整體的設計其實係充滿時代感的BAR & RESTAURANT，餐廳價錢好貴，不過充滿驚喜，特別係對於已經食咗接近一個星期快餐的我們來說，這兒的亞洲味道真係好治癒。
我們吃了烤豬下巴冷烏冬、泡菜海鮮煎餅、辛辣麵炒飯以及炸午餐肉條，樣樣都好好食，配埋馬格利酒，真係超級滿足，返屋企之後我哋仲試煮咗杯麵炒飯同埋焗午餐肉條添﹗
美美的聖誕裝飾
返房之後食埋今早自己親手摘藍莓做飯後果，點解澳洲的藍莓無論大粒細粒都咁好食架？