二零二三年十二月二十八日(星期四)
奔波勞累了三天，昨晚食埋飯返到酒店又已經差不多半夜，加上今天只有一個必去行程就是同悉尼歌劇院打咭，所以大家好舒暢咁瞓到自然醒先起身。
起身梳洗之後首先去洗衫，之後才出發去食早餐。
我們酒店旁邊就已經是MARKET CITY
MARKET CITY地下果然是一個MARKET
上層就有美食廣場，大部份都是亞洲美食的COUNTER，所以非常吸引。
逸逸食日式烏冬，恆仔食中式的燒鴨湯麵，我就揀咗個泰式兩餸飯做午餐，加杯ICED LONG BLACK，正﹗
恆仔之前幾日一直去唔到廁所，係度飲咗杯西瓜汁之後即刻有反應，佢返酒店先，我就陪逸逸慢慢食埋個午餐。
午餐後我地兩母女去中庭個聖誕裝飾度影下相先返酒店。
聖誕功課實在太多，所以返酒店之後要做下功課再出發。
我地酒店其實就在唐人街旁邊，97年移民潮有大量香港人移民過來澳洲悉尼，所以悉尼的唐人街非常興盛，據說當年香港最好的廚師都搬到這兒來。
我地首先要去便利店買OPAL咭俾逸逸搭車，大人直接用CREDIT CARD付款就可以了。
今天的行程其實想了好多，來到悉尼目標其實好單純，就是恆仔想同悉尼歌劇院打咭。但係就係因為MUST DO的事太少，反而有好多其他的可行性。
來到悉尼，其中一個上次來的時候印象好深刻的活動就是在悉尼港口遊船河食自助餐，其實我上網睇咗好多不同的船公司，價錢都唔平而且評價係食物麻麻地，加上要特定時間上船令我地行程唔太FLEXIBLE，糾結咗一輪最後放棄咗。另外，我又好想去下漁人碼頭，不過兩父女其實唔太好海鮮，加上搭車過去都要轉幾轉車仲要行多多地路，諗完一輪又係決定放棄。另外，我都睇過啲會去MRS MACQUARIE’S CHAIR遠眺悉尼歌劇院的DAY TOUR行程，仲會去埋有名的MANLY BEACH或者BONDI BEACH，不過又係要一早起身唔係太想……
最後決定先自己搭車去MRS MACQUARIE’S CHAIR睇悉尼歌劇院，再睇情況決定下一個行程。
我地要行去市政廳附近的PARK STREET搭巴士，沿路欣賞悉尼的城市風光。同充滿歷史建築物的MELBOURNE相比，悉尼比較都市化，高樓大廈也比較多。
不過都仲有好多古典建築
宏偉的悉尼市政廳，其實旁邊的ST ANDREW’S CATHEDRAL都好靚。
對面就係QVB維多利亞女皇大廈，對於我們這一代的香港人來說，英女皇也算是一個特別的存在，起碼我小時候英女皇壽辰係有假放架﹗
我們在TOWN HALL STATION搭巴士去BOTANIC GARDEN OF SYDNEY最近MRS MACQUARIE’S CHAIR的巴士站，依家有GOOGLE MAP真係好方便，只要一SEARCH目的地，點行係邊個站搭車全部都一目了然。
以前去旅行最怕去無鐵路到的地方，依家完全無問題。
我們下車的地方對面原來是海軍基地，所以睇到好多戰轞，好有型。
植物園的超級大樹
依度就係MRS MACQUARIE’S CHAIR，網上都說這兒是拍攝悉尼歌劇院+海灣大橋的最佳位置。不過其實坐在椅子上是不太看到海邊風景的。
果然這個角度來拍悉尼歌劇院+海灣大橋真的很不錯，所以也是看跨年煙花的最佳位置，現在還有幾天才是除夕，周圍都已經做好晒人流控制的準備了。
大家都揀咗自己喜歡的角度和動作來打咭，証明到此一遊。
逸逸身後的的鐵馬以及海量的流動廁所就是預備跨年煙花活動的設施之一了。
仲有，千祈唔好諗住入去植物園睇煙花呀﹗