二零二四年六月三十日(星期日)
晚上還是睡得不好，不過夠鐘起床就義無反顧的跳起身，因為要把握時間去玩嘛~
今日的早餐係火腿通粉、烚蛋、果醬麵包同埋熱阿華田，對於我嚟講重點係十個人份的果醬平日只夠塗兩塊麵包。
逸逸好滿意個早餐，話終於有好嘢食，因為有她喜歡的火腿通粉和烚蛋。
今朝本來打算去打壁球，點知原來上午壁球室用作門球體驗，即管又試下。
簡單的玩法就係要將球逆時針穿過三個門，最後再要撞到中間的柱就完賽，穿過門得一分，撞到中間的柱得兩分，30分鐘內未有人完成就靠計分分勝負。
事實上玩法非常複雜，分隊際進行的時候又有攻擊、出界、生球、死球…….可能今次難得我地三個可以大約掌握到玩法，又一直沒有人加入，結果原本一般半小時的體驗我地玩完一ROUND又一ROUND，仲要每人操控兩個波扮隊際比賽，越教越深入。
我依家做緊攻擊的動作。
我地三個玩門球的同時，爸爸媽媽帶咗小朋友去玩。
睇相先知道原來玩咗小型攀石
同埋做咗小手工
裝飾小小羽毛球
最後玩左兩個鐘，最尾大家入晒嚟睇我地玩，教練話觀眾仲多個參賽者。
時間差不多我們就去CANTEEN領取物資，因為今天的午餐是BBQ。
路程比較短的斜路仍然封閉，我們要繼續走梯級才去到燒烤場。
好耐無試過日頭熱辣辣燒嘢食了，好彩我地有起爐達人。
開始燒烤了
逸逸第一次親自燒嘢食，佢話自己燒的腸仔特別好食。
雖然好熱，但係好開心。
成班撥火大使
燒完嘢食幫手撲滅火種，唔該晒~
預訂食物的時候係預計昨晚最多人的份量，但今日唔係淨返太多人燒烤，所以剩下好多食物，最後每人拎啲返屋企，仲係返WHATSAPP GROUP同大家分享如何將這些食物轉化為屋企的餐點。
結果原本1PM離營，我地玩到3PM先走，就這樣，今次三日兩夜的宿營就完滿結束了。