離開東京玩具美術館的時候，早已過了午飯時間。
逸逸話想食拉麵，於是我上GOOGLE MAP搵搵附近的拉麵店，揀了這家GOOGLE MAP有4.4星的RAMEN EDDIE。
因為已經過了飯市，所以成間舖頭得我地咁滯。
依度除咗食拉麵，仲推介食飯糰，於是我叫了個拉麵飯糰SET，包括一碗迷你鹽味拉麵及三個飯糰，四款飯糰口味入面我選了溫泉蛋飯糰、辣味肉醬飯糰和明太子飯糰，味道都唔錯，不過又唔係會食過翻尋味個款。
食完午餐就搭車去池袋，我地係地鐵站個度食咗超級好味的士多啤梨大福和蒙布朗大福，平日麻麻地大福的恆仔直情話無諗過大福可以咁好食。
我們去池袋的目的地係SUNSHINE CITY的最世界最大扭蛋店。
未搵到扭蛋店之前先被NITORI吸引到，我地係度睇中咗張露營椅，非常舒服，好想用佢嚟代替屋企張梳化。其實今次我地有足夠的寄倉行李額，只係依件事實在太過瘋狂真係接受唔到……
好可愛的SANRIO CAFE，但係剛剛才食完午餐同埋大福，實在太飽了。
終於來到Bandai Namco Cross Store Tokyo，入面的其中一部份就是被列入健力士世界紀錄大全之全世界最大的扭蛋店Gashapon Department Store 池袋總本店，不過我們先被其他東西吸引住。
好可愛的微型場景
TAMAGOTCHI﹗明明係我細個時的玩意來的，無諗過今日仍然以這個模樣健在。
龍珠閃咭牆
逸逸好鍾意的コメダ珈琲店蜜瓜汽水
這是魔神英雄傳的龍神丸，不過我唔識。
依個連恆仔都唔識，係逸逸捉住爸爸話要係度影相。
終於來到扭蛋店了。
地方真係好大，據說有超過3000部扭蛋機，不過其實都有不少重覆的內容。
浮跨的逸逸
依啲都係吸引到我眼球的扭蛋
一場嚟到點都要抽下
不過因為款式實在太多，逸逸係度超級糾結，揀咗好耐終於選中咗依個咪，後來先知原來它是模仿日本零食的。
我係香港本身已經抽咗一個TENT，因為成個系列我都好鍾意，日本抽扭蛋又比香港便宜好多，於是決定再抽，點知又係抽到TENT，唯有同恆仔情侶掛飾喇~
扭蛋殼回收機
跟住我地逛咗一間爉筆小新電影的專門店
好多爉筆小新的場景，幾時都覺得爉筆小新啲公仔好肉酸。
可愛的芝麻街CAFE，我地仲未肚餓喎~
ULTRAMAN英雄展的宣傳
好典雅的日本富士山壁畫
慢慢散步返去池袋站搭車，見到コメダ珈琲店呀﹗
返到澀谷就去搵食
恆仔話想食和牛，最後我地係地鐵站附近的MARK CITY的FOOD DIRECTORY入面揀咗Le Bar a Vin 52 AZABU TOKYO食西餐。
依間餐廳要收入座費，類似中式酒樓的茶芥，聽阿妹講意大利的餐廳都有這項收費。
我們點了黑毛和牛西班牙伊比利亞豬拼宮崎產日南雞、石燒MARGARITA PIZZA、烤三文魚，樣樣都好好味，食到好飽。
次次去澀浴都會見到街頭KART，好有型。
(圖片取自酒店網站)
返酒店之後同逸逸去浸浴，夜晚有VIDEO睇好有氣氛。
晚上浸完浴有免費雪條食，仲要有四款口味可以揀。
浸到個人熱辣辣食返條雪條真係好正。
酒店晚上有免費拉麵食。
因為食得太飽所以只係叫咗兩碗三個人SHARE，雖然簡單但係出奇的好好味，雖然話係三個人SHARE，其實正確嚟講係我同恆仔SHARE一碗，逸逸自己食一碗。
去日本必飲的YAKULT Y1000
仲有嘆埋酒精先瞓覺