沒想過第一天來到日本就開夜車。
今晚我們並不是住在唐津最熱鬧的地方，上網SEARCH過附近沒有便利店，所以差不多到唐津之後，先到便利店買逸逸最期待的便利店宵夜之後先去住宿的地方。
今晚我們入住位於唐津城附近的唐津城堡河畔日式旅館，旅館有免費停車場，但是在對面馬路，周圍太黑我要將車泊埋一邊走過去望清楚啲牌先夠膽泊車。
我們來到旅館的時候已經差不多8點半了，旅館主人為我們安排CHECK IN手續。房間位於二樓，要自己抬行李上來，不過好多日本的日式小旅館也是這樣子的。
日式房間，瞓TATAMI被舖，特別覺得自己真係去咗日本旅行。因為上次去東京床太小的陰影，今次選的所有房間都確保有足夠的睡眠空間，連日式房間都選可提供3張日式床墊的。
這間房間最AMAZING的一定是窗外的河景，很美。
開餐喇~
今日的菜單有逸逸話去日本最不容錯過的便利店冷麵 (其實冷烏冬都OK)，恆仔的美式熱狗，以及我的原條明太子﹗無錯﹗係唐津的便利店係可以買到原條辛子明太子，仲要好便宜，送酒一流﹗另外，仲叫咗盒檸檬炸雞大家SHARE，又係好好味呀。
泊車時已經留意到可以係酒店門口影到唐津城，所以食完嘢我自己落去影返張相，依篇BLOG的第一張酒店相其實就係依個時候落去影的。
望清楚發現唐津城離我地酒店真係好近，因為其實我之後都無安排參觀唐津城的行程，不如依家過去行個圈，順便看看是否適合明早晨跑，於是返上房邀請兩父女一齊落嚟散下步。
唐津城是在江戶時代（1603年〜1868年）初期由一統日本的名將「豐臣秀吉」在此設藩而建。除了改動鄰近河道以築城，也在海岸線種植防風林，也就是現今日本3大松原之一的「虹之松原」。
因為潔白的牆面以及暗灰色的屋瓦不僅讓唐津城顯得格外沉穩莊嚴，城堡前向東西延伸的虹之松原更使其猶如展開雙翼的鶴。所以這座面向遼闊大海、傲然矗立於群樹之中的日本城堡，又被稱為舞鶴城。
我們要穿過隧道到對面馬路
隧道兩旁有好多歷史故事的壁畫
來到唐津城的下面了，我們拾級而上，一路上都沒有路燈，逸逸話覺得好驚，我話有爸爸媽媽一齊有乜好驚？
搵下見唔見到豐臣秀吉的家徽先﹗
非常撲實的鳥居
舞鶴橋影靚相
之後逸逸又邀請爸爸一齊合照，恆仔建議做個合體POSE，逸逸好徬徨咁話唔知點做，恆仔教佢手指對手指，於是就好不知所措咁完成咗合體的動作﹗
旅館提供每人一杯WELCOME DRINK，散完步點好飲品，店主轉頭就拎上嚟房俾我地。兩父女飲橙汁，我就要咗杯HIGHBALL。
沖完涼再同靚景合照
住日式旅館點都要嘆下茶先啱FEEL