一行出MANLY WHARF已經見到條街人山人海，我地沿住THE CORSO一邊逛街一邊向住MANLY BEACH走去。
旅遊區梗係有大量紀念品店，個樹熊TOTEBAG真係好可愛，不過都係公仔最討逸逸歡心，唔帶返屋企都要影下相。
我地入咗COLES行下，打算買啲小食去沙灘坐下當野餐，依間COLES入面的裝修都係專為MANLY而設，好有度假FEEL。
我地係度大家都買到心頭好，逸逸夾咗軟糖，恆仔買到超好味的芒果乾，我就衴咗咖啡。另外，我地仲係度買咗啲小點心。
ST MATTHEWS MANLY
條街真係好熱鬧
欣賞一下街頭賣藝
終於來到MANLY BEACH
沙灘超級多人
我地坐低食下剛才在COLES買的RASBERRY BLISS MELTING MOMENTS先
雖然佢個樣好似馬卡龍，但事實上係RASBERRY曲奇夾住朱古力忌廉的夾心餅，好好味。
好似個塗咗桃紅色唇膏的大嘴巴
因為我地係好隨意咁上咗船過來，所以沒有帶泳衣、毛巾依啲裝備唔可以落水，不過一場來到沙灘玩下沙都唔錯。
同埋嘆啡
沙灘上有好多好似繩結咁既植物，逸逸用來砌嘢。
逸逸的作品
這是我的作品，當插花咁玩。
終於按捺不住想掂下水
衝呀……
俾我叫住要影返張相先准落水
海水非常冰涼，好舒服呀~MANLY BEACH同我地之前去過的ASLINGS BEACH同埋HYAMS BEACH一樣咁大浪，不過今日天氣好好，在大藍天之下水個海灘特別靚水亦都特別清澈。
瘋狂逸逸果然係不負所望，褲腳濕晒。
反正已經濕咗，所以返到去THE CORSO行街見到地面噴水池繼續玩水，不過唔緊要喇~天氣熱條褲好快乾。
我地係度行咗好多舖頭，瘋狂SHOPPING買咗好多衫，我想講嚟咗澳洲咁耐終於買到嘢。
逸逸陪我地行街都唔會悶，而且佢都有好多戰利品。
玩到6PM，係時候預備搭船走了。
好多人搭船，都排咗一陣隊先上到船。
回程時竟然俾我地遇上DISNEY CRUISE﹗好興奮呀﹗
遠望SYDNEY TOWER EYE，係PLAN行程時我有諗過上去旋轉餐廳食BUFFET。
又返到嚟睇下悉尼歌劇院
靚~
係碼頭我地又試下搭SYDNEY LIGHT RAIL返酒店
今晚吃晚餐的地方係我地住的酒店附近今朝早經過時已經看中了的九龍冰室
來到旅程的第七日，我地要係澳洲食港式茶餐廳。
刻意懷舊的裝修和佈置，最經典係個張家計會的海報，記得小時候電視廣告成日播”兩個就夠晒數，兩個已經夠晒數“，我係街度唱媽媽覺得好尷尬。
我地叫咗沙嗲牛肉麵、菜遠牛河、瑞士汁牛肉炒通心粉、魚肉燒賣、咖哩魚蛋、茶走、凍檸樂以及凍華田，食物的味道好有驚喜，特別係個菜遠牛河，好有鑊氣，而且比一般香港茶餐廳都好味道，好滿足。不過個魚肉燒賣好重魚味，唔係逸逸EXPECT最鍾意個款麵粉燒賣。
飯後果係今日喺MANLY BEACH個邊超級市場買的RASBERRY。
飲埋昨晚去食韓國菜時飲淨的半支馬格利酒就瞓覺了。