二零二四年六月二十三日(星期日)
今年報名參加了奧運日的跑步活動，我們參加2公里親子輕鬆跑，主要是報名費真的很便宜，家庭組報名費只要$350，可供2-4人參加，$350就可以一家三口一齊玩，阿妹一家四口都有報名參加，佢地四個人仲抵。
還以為是配合今年巴黎奧運而舉辦這個奧運日，後來先知道原來每年的6月23日是「國際奧運日」，港協暨奧委會每年都會舉辦活動慶祝這項年度盛事，推廣全民運動，並宣揚奧林匹克精神。
今日天氣好好，風和日麗藍天白雲，影到靚靚FAMILY PHOTOS。
3 HAPPY LADIES
10點半開跑熱到爆炸，企係度都爆汗。
我地特登搵個唔曬既位等起跑
藍天白雲影相係好靚，但係跑步真係熱到飛起。
有風都無乜用
逸逸真係無乜鬥志，過程中好多情緒，令我要花好多力去安撫同埋鼓勵。當時就覺得如果再要同佢玩長跑，一定要同佢鍛練下至得，如果唔係大家都辛苦。
與香港運動員一起跑 – 依句SLOGAN真係好有型﹗
終於望見家鄉喇~依2公里辛苦過我自己跑5公里。
最後用了20分鐘時間完成2公里賽事
知道你又熱又累，總算完成了，辛苦晒喇~
排長龍都要影招牌相
臨走之前我地去幫襯快餐車
雞蛋仔夾雪糕加燒賣，正呀﹗