參觀完哈利波特展覽，我們由倫敦人前往威尼斯人找地方吃午餐，順道在商場走走逛逛。
英國皇家衛兵雕塑
英國火車站售票處
再次經過連接倫敦人和威尼斯人的天橋，再次遇上昨天的倫敦地鐵，逸逸再次的玩得不亦樂乎。
當年的金沙城中心，換個面就變身倫敦人。
見到有人影婚紗相，當年我同恆仔都有嚟澳門影婚紗相架﹗
又真係幾靚既~
好耐無影過威尼斯人的外圍了，都仲KEEP得好好。
終於見到貢多拉喇~
記得以前所有船伕都會唱歌，依家變咗只有一個意大利人負責唱歌，其他船扶只是專心撐船。
早餐食得飽唔太肚餓，所以熟路的我們直接前往威尼斯人的美食廣場。
我同恆仔食豬扒包
唔鍾意食肉的逸逸就買咗洪瑞珍三文治俾佢。
食完午餐又穿過倫敦人返酒店，又有新PHOTO SPOT。
經典紅色電話亭
今次我地仲遇上英國皇家衛兵步操添呀﹗
經過噴水池的時候是3:15PM，下一場音樂噴泉表演是3:30PM，而且曲目係已經睇過的《茉莉花》，逸逸仍然堅持企係度等15分鐘都要等。見到纜車已經開動本來都想坐下，點知原來4:00PM先開放予公眾，算喇~
恆仔話想買啲嘢飲，於是返酒店前先去逛逛超級市場，竟然發現一款由華文冰室出品的凍檸茶，即刻想買嚟試下係咪有茶餐廳FEEL，不過飲咗又唔覺。逸逸就揀咗飲珍寶珠橙汁。
我要返酒店補啡先，個杯超級靚。
飲完嘢我地就落酒店泳池游水喇~恆仔話有少少唔舒服，留係房休息，得我地兩母女落去玩。
水其實好凍，不過逸逸一有得玩就乜都唔怕。
被歐洲建築包圍住游水真係好有型
太陽開始落山就轉戰室內泳池
依個泳池最特別的地方係天花板係一面鏡，瞓係度浮水可以睇到自己架~