繼2018年之後，劉德華終於再在香港舉行演唱會 -《今天……is the day劉德華巡迴演唱會2024/2025 – 香港站》。
上次都已經講在電影《我的少女時代》的電影對白入面女主角因為買不到劉德華演唱會門票時講到：”為什麼你紅了30年還沒有過氣？”無諗過六年之後的今天，劉德華演唱會的門票更加難買，今次係我第一次信用咭優先訂票同埋正式開售都失敗而回。
第一次要去搵贊助商買個希望，OSIM按摩椅就買唔起，買$80道地解茶就應付得到，去百佳買了13支道地解茶參加抽獎，另外，其實我仲參加咗保誠保險的「將你對劉德華嘅打氣心聲話畀佢知」，當中最出色的兩個作品可以在紅館貼堂加兩張演唱會門票。
收到中獎電郵的時候實在覺得有點不可思議，然後好擔心自己有冇唔見咗買茶張正單，所以要得到幸運之神眷顧，都要從自己的行動開始。
門票日期和座位也是以抽簽的方式，抽簽的方法竟然是自己從一大叠放了門票的信封中自己揀，好大壓力，因為超級擔心會抽中聖誕去旅行的日子。
一家人一齊係紅磡站食晚餐
本來是打算同恆仔睇，佢話華仔演唱會好精彩想俾逸逸都睇驗下，所以同我地食埋晚飯送埋我哋去場館就返屋企先了。
逸逸之前跟我地去睇過五月天演唱會，但係去紅館睇演唱會就第一次。
逸：媽媽我一陣走時可唔可以同個五個彩虹色燈影相
我：依家幫你影咗先喇，依個位都可以影到
好在影咗相，完場時已經關燈了。
劉德華演唱會真係一票難求，一路上遇上超級多收飛和賣飛的黃牛黨。
演唱會準時8:15PM開始
我和逸逸手上的是極珍貴的歌迷會螢光棒，已經有14年歷史，仲著到燈真係好勁。
劉德華演唱會一如既往咁精彩，雖然勁歌熱舞留返俾DANCERS，但係精湛的演技配合住歌曲加上唯美的畫面真係超正，連逸逸都話好似睇電影咁。聲音起初有點沙啞，但很快就已經開聲進入狀態，靚聲重現。
逸逸都識少少劉德華的歌，因為我地架車的PLAYLIST都有唔少華仔的廣東歌，所以佢一聽到自己認得的歌都好興奮。逸逸話劉德華個樣好老，其實對於逸逸嚟講劉德華係伯伯級，依家佢成日提住劉德華63歲，比較不同的人或東西究竟比劉德華老定後生。
在演唱期間跟恆仔分享這照片：
恆：嘩，咁近
我：iPhone 勁者
逸逸同我都好鍾意依個心心
逸逸超級鍾意依幾個花花人，想知道多啲關於佢地的資料，我仲考佢可以用乜嘢關鍵字去SEARCH~
劉德華 永遠的偶像 愛你一萬年
今次係中環有一幅演唱會壁畫，作為FANS點可以唔嚟打下咭？