二零二三年十二月二十九日(星期五)
繼昨晚吃茶餐廳當晚餐之後，今天早上我們要去酒樓飲早茶。
因為我們住在唐人街附近，所以飲茶的酒樓選擇好多，我揀了評分不錯的皇庭海鮮舫。
裝修是新式酒樓的格局，在酒樓內同職員用全廣東話應對都無問題，有時最多加少少普通話。
不過營運模式就非常傳統，因為依度仲係用推車仔形式賣點心。
蒸點車同埋炸物車係香港美心酒樓都仲見得到。
但係當見到煎腸粉車同埋淥菜車的時候，連我同恆仔都覺得興奮，我懷疑逸逸係第一次見。
我地食咗五個點心，味道沒有驚艷，就是正正常常的口味。記得我們小時候也曾經有個移民潮，當時大量廚師移民去澳洲，據說當時在悉尼吃的中菜比香港更好吃，不過當年的名廚應該也已經退休了。
飲完茶周圍逛下。
經過依間好傳統的麵包店
依啲唐餅係香港都唔係咁易買到
唐人街一帶部份建築有如電影電視劇的民初街
因為之前係MARKET CITY睇到對波鞋幾靚，離開SYDNEY之前再去望望，雖然最後沒有收穫，但係睇到好多對逸逸來說有趣的傳統中國的東西。
農曆年還有兩個月，但已經看到很多香港也不多見的傳統擺設。
仲有靚靚裙掛同埋旗袍，逸逸話要影相。
還有時間，記得昨日沿著GEORGE STREET行去搭巴士的時候沿路見到不少商舖，今日慢慢逛一下。
看看這家裝有傳統式歐洲宮廷大吊燈的麥當勞，幾有型﹗
依間FOOT LOCKER好好玩，可以檢視你運動時的動作。
我們再次來到QVB維多利亞女皇大廈，今日有時間可以入去逛逛。QVB建於1898年，英式的建築風格加上華麗典雅的內部裝潢，絕對值得參觀。最近我才發現，原來這商場是領展的海外投資項目來的。
採光十足的商場內部
因為商場位於CBD，任何時候都非常熱鬧。
古雅的旋轉梯
還有漂亮的彩繪玻璃
以大自然為主題的聖誕裝飾，走在中間還會聽到雀仔叫。
高聳入雲的聖誕樹
時間差不多，我們就返酒店搭車去機場。本來我是打算搭機場快線去機場，但上網查過價錢，發現兩大一小的車費比搭UBER還貴，還是直接搭UBER算了。
一路上沒有塞車，12:35PM就來到SYDNEY機場，飛機1:45PM才起飛，還有好多時間SHOPPING。
全自助BAG DROP
可愛的小狗狗
聖誕熊熊
我地係依間舖頭買咗好多嘢
上機喇~今次我地竟然係直接由登機閘口自己行去架飛機度，而且都遠遠地。
今次係我們的第二程QANTAS航班
今次架飛機就厲害了，因為有免費WIFI供應﹗
我都係第一次係飛機上面連接WIFI上網咋~
短短一個多小時的機程非常忙錄，又要電影睇……
又要做功課
仲要食飛機餐，不過因為佢係牛油果SPREAD，得我一個鍾意食。
因為SYDNEY同GOLD COAST有1小時時差，來到GOLD COAST時都只係2:20PM咋~