二零二四年十二月二十九日(星期日)
昨晚好凍好大風，外面成晚都吹到FUNG FUNG聲，帳篷KEEP住左搖右擺，根本睡不好。睡不著覺就容易想上洗手間，外面咁凍唔想走出去，急住就更加睡不著。最後大約5AM感覺風開始靜下來，鼓起勇氣去咗個洗手間，回來終於可以好好瞓返一陣，起床之後就發現已經無晒風了。
睡醒覺就去刷牙洗臉，當然就是用昨晚飲茶的杯麵杯去刷牙，刷完牙之後我叫逸逸掉咗手上的紙巾，結果佢誤會咗掉咗個杯麵杯，我今朝杯咖啡點算？
今朝由逸逸負責整早餐，繼續是她在學校學整的三文治，材料也要跟到足。
逸逸整俾我的愛心早餐
今朝飲的咖啡，是在台中黑沃買的掛杯滴漏咖啡牡丹亭，好好飲。(烘焙度：中淺焙；產地：衣索比亞、肯亞；風味敘述：白花、茂谷柑、柳橙、覆盆莓)
之前提到無杯點樣飲咖啡？恆仔即刻整咗一個檸蜜紙杯俾我可以繼續嘆啡，後來我都見到有營友用相類似的容器去刷牙，睇嚟好多人都唔記得帶杯。
吃過早餐我邀請逸逸陪我在營地散下步
玩下泡泡
一齊係郊外玩下跑下好開心
天氣凍容易肚餓，我哋去咗隔離錦田鄉村俱樂部食腸仔麵，下次再露營點都要帶多幾包公仔麵旁身。
同下錦田鄉村俱樂部的熊貓影相
享受一下冬日暖陽，點都睇唔出昨晚大風到咁大張櫈都吹跌。
今朝無風玩唔到風箏，但係可以玩下飛碟同埋打下羽毛球。
露營真係好開心
今次收拾時我覺得自己進步咗，收睡袋的速度快咗好多，通常都係一TAKE過攪掂。
下一個裝備提升目標：露營枱。