2026
2025
2024
二零二五年二月一日(星期六)
大年初四繼續放假，一家九口一齊去出去玩下去野餐。
妹妹上網搵咗香港旅發局推介的鬧市中登山，由灣仔的利東街出發，經過藍屋，走上灣仔峽道，去看看寶雲道的姻緣石，最後去到警隊博物館，全程大約3公里。而我們就打算繼續登上太平山頂，去山頂公園野餐。
大家約好10AM在合和中心集合，先在超級市場買野餐食物再出發。
大家搭車來灣仔的時候已經經過利東街，我們就不走回頭路了，第一站引起大家拍照興趣的是舊灣仔郵政局。
舊灣仔郵政局是本港現存歷史最悠久的郵政局建築，現時改用為灣仔環境資源中心，並命名為識「碳」館。 閱讀全文
二零二六年四月二日(星期四)
在私人場地玩咗幾次露營之後，開始心思思想去返貝澳露營，因為2012年曾經同阿DAY阿妹去過，可以跳入海中游水好正。不過要去離島露營就要輕裝上陣，我地平日玩開車泊係隔離的重裝備真係搞唔掂，所以我一直留意住搵機會試下交通比較方便的輕裝露營地點。
我儲的年假太多，今年復活節決定由第一天開始陪逸逸放復活節假放到尾，後來終於定了旅行會過了復活節才出發，上網查一下發現人稱新手友善又可以預約的荃錦營地有位，於是就讓我們重回免費政府營地的懷抱了。
今次預備了三個大背囊，逸逸已經長大都要幫下手。營幕、天幕是必備，枕頭同埋蛋殼墊都一定要帶唔係瞓唔著覺，因為天氣開始熱無帶睡袋，淨係幫逸逸帶咗張毛巾做被，不過最後有後悔。廚具方面，我地個鑊係好重的鐵鑊要帶埋佢搞唔掂，加上現場有BBQ爐，所以今次決定夜晚BBQ第二朝食杯麵，不過要煲水，所以都要帶GAS爐同埋水煲，屋企有啲菜，所以都帶埋之前係日本買的輕便摺叠湯鍋。當然BBQ要帶叉同埋炭又係另一個負擔，不過起碼唔駛帶返屋企嘛~另外，因為現場已經有桌椅，所以我們只帶了兩張露營櫈。
為了貫徹預備去離島露營，本來我是打算搭公眾交通工具去營地的，但係當我地搭地鐵去到荃灣西站之後，發現要等差不多一小時才有巴士，於是唯有轉乘的士直達營地了。
我們差不多5PM才到達營地，用身份証登記後職員就會給我們一個紙牌吊在營地的位置，表示已經登記入住。另外，職員又給我一張儲印仔咭，預約後又準時到達就可以蓋一個印仔，蓋滿一定數量印仔可以換禮物~
原來唔帶炭上來都可以係營地服務處買柴。 閱讀全文
二零二五年一月三十一日(星期五)
位於主教山的前深水埗配水庫在2021年6月成為一級歷史建築後，僅有限度開放予市民參觀，必須參觀由水務署舉辦的導賞團，但係名額永遠一開放就額滿，留意了幾次都失望而回。由2024年8月1日開始，市民毋須預約就可以到現場排隊參觀，不過輪候的市民眾多，大家都話要排好耐隊，所以一直都無行動。直至屯門牛體育會組團去參觀，梗係即刻一家三口齊齊出動喇~
主教山原來唔係正名，只係以前有個教會係度，當時的人每逢紅鬚綠眼著白袍的人經過都叫主教，所以叫依度做主教山。
登上主教山要行三百幾級樓梯，沿路有六張乒乓波枱，我哋笑說好似武俠小說咁要一層一層打上去咁。 閱讀全文
