歡迎來到魷魚跳舞之町 – 呼子。
呼子盛產魷魚，呼子町是能捕獲美味魷魚的知名漁場，在呼子町捕獲的「呼子魷魚」有魷魚之王的稱號，等會兒一定要試試。
其實吸引我來呼子的，是呼子港的Marinepal觀光船，可以在這兒坐船出海玩。Marinepal有兩種觀光船，分別是搭イカ丸去觀賞七ツ釜，以及搭Zeela落水底睇魚。
其實我都患有選擇困難症，兩款船都有興趣，但每一個行程都是需時40分鐘，即是假如我乘搭了12:30PM的イカ丸，1:10PM才回到碼頭，要再搭Zeela就要等到2PM，中間要等好耐，但又未耐到夠時間吃午餐，所以兩者只能選其一。
本來我是打算讓命運幫我選擇，但患有比我嚴重百倍選擇困難症的逸逸堅持兩樣都要睇，上網查過岸上有觀景台可以遠觀七ツ釜，最後傾好我地先上船睇魚，午飯後再駕車去觀景台參觀七ツ釜。
我地先去碼頭買票，然後就周圍逛逛。
呼子朝市的營業時間為7:30-12:00，是日本三大朝市之一，雖然已過了營業時間，一場來到也特地過來走一圈。
呼子魷魚像
一早已經水淨河飛的市街，奈何因為行程編排的問題，沒能早點趕過來湊熱鬧。
只看到一家營業中的紀念品店，逸逸對這兒的魷魚匙扣念念不忘。
呼子其中一種有名的食物是魷魚燒賣，我地決定買來試試。
這店除了售賣魷魚燒賣之外，還有魷魚乾、魷魚絲、魷魚餅、魷魚仙貝……櫉窗後面的機器展示它們以高速旋轉的方式曬製魷魚，以確保能夠魷魚乾得到均勻的日曬。
我地買了四粒魷魚燒賣，又軟熟又鮮甜好好味，連平日唔多食魷魚的逸逸都話好食。
夠鐘上船了，睇魚的Zeela係條大鯨魚嚟架
大人2200円，小童1100円。
一登船就往下層的玻璃船艙進發，船的兩面均設有大玻璃窗，玻璃窗前各放有一排座位，今日人不多，可以隨意走動選擇喜歡的位置。
船艙入面貼咗好多小學生幫Zeela填色的作品
仲可以預習一下我地一陣會見到的魚
開船喇~其實開船期間大玻璃係乜都睇唔到，所以我地上甲板坐下吹下海風。
呼子大橋
橋下面成隻魷魚咁個隻船就係去觀賞七ツ釜的イカ丸。
船停在有大量魚群的地方，我地開始返落去玻璃船艙睇魚了。
無諗過玻璃咁清，同埋魚又真係同宣傳網站一樣咁多。
諗返起去年係沖繩浮潛睇魚，跟當時見到的海底世界相比，呼子海底的魚好平實，主要都是灰灰黑黑大大舊的魚，沒有想像中的色彩繽紛，當然，如果對魚類熟悉的就應該輕易看出他們的不同。不過，我主要想表達的是，如果浮潛遇到咁有規模的魚群我會驚囉。
所以點解係沖繩睇魚就要浮潛，係呼子睇魚都係坐船比較好。
回程了
我們返回呼子港，見到岸邊有一幢好可愛的魷魚建築物。
今次坐Zeela睇魚真係好好玩呀~