二零二四年二月三日(星期六)
唔知咩原因關閉咗幾年的泰山樹屋終於重開，所以我地今日又入去迪士尼玩了。
城堡+迪士尼小火車
上次只有我地兩母女坐咗小火車，所以逸逸話今日一定要同埋爸爸一齊坐多次。
今日的主角：泰山樹屋
今次係逸逸第二次來泰山樹屋，不過上一次已經要朔到2019年，當時的逸逸只有三歲，你話佢仲有無印象？所以，對於逸逸來說暢遊泰山樹屋甚至坐木棧都是全新體驗。
之前我地玩森林河流之旅的時候，船長成日都話泰山唔係屋企，依家終於返咗嚟，唔知佢之前去咗邊度玩呢？
這是一條一啲都唔驚險的吊橋
逸逸超級驚依隻花豹，仲俾佢嘅叫聲嚇到成個人彈開。
上次來的時候一邊參觀一邊講泰山的故事
依家識字可以自己睇了。
泰山樹屋其實仲有好多小玩意，好啱小小孩子玩，我估如果唔干預的話，逸逸可以係度玩一日。
玩下樂器
拉下水筒
依個手動投影機我都覺得好有趣
玩完之後又由頭開始重新玩一轉，玩完第二次之後其實仲係意猶未盡，不過我已經頂唔順，建議去FROZEN園區玩下。
幾時都係咁靚的阿德爾
可愛的小矮人
第二次玩雪嶺滑雪橇，已經成為逸逸迪士尼的NUMBER 1。
在阿德爾街頭遇上ELSA
跟住就去玩魔雪奇幻之旅
排隊時又巧遇ANNA，我覺得在FORZEN園區遇上FROZEN角色的頻率真係好高。
第二次玩仍然被依個RIDE震撼到
影埋個CNY裝飾就返屋企了。