食完團年飯，下一個節目是逛年宵市場。
上網睇下GOOGLE MAP，原來我們身處的位置與舉辦年宵市場的塔石廣場是可步行距離，於是我們就由GOOGLE MAP帶路行過去。
中間我們要穿過2022年10月才啟用的松山步行系統，好靚呀~
我們經過了一家叫做湯仙虎羽毛俱樂部的店，好奇上網查一下才知道原來湯仙虎是超勁的羽毛球大師。
大約行了20分鐘我們就來到位於塔石廣場的年宵市場。
這是澳門唯一由政府辦的年宵市場，事實上規模比我想像中細得多，可能屯門年宵市場的攤位比這兒更加多。
賣花的就只有六檔
其他都是賣下風車揮春玩具賀年食品之類的零售攤檔，以及遊戲攤檔。其中一個攤檔最有趣的是扑金蛋遊戲，大家付款後可以選一個金蛋，扑開就知道有什麼禮物，成功炒熱氣氛。
跟香港不同的是這兒設置了大型花藝展覽及賀年燈飾，可以一家人開開心心影下相。
今年是蛇年，所以大部份都是以蛇為主題的裝飾。
之後我地搭巴士去睇人放煙花，去年我們去了非常唔就腳的氹仔新春爆竹煙花燃放區，今年就去返12年前去過的位於澳門旅遊塔附近的澳門半島爆竹煙花燃放區。
因為記得當年是在MGM吃DINNER BUFFET，然後再行過去睇人放煙花，於是我們就在塔門廣場搭巴士去MGM附近，淨係搵個巴士站都搵咗好耐。
過去澳門半島爆竹煙花燃放區之前，我地先去MGM借用下個洗手間先。
順便帶逸逸參觀下影下相，雖然其實她曾經在未夠1歲的時候已經來過一次。
我們沿著孫逸仙大馬路走過去，越行越唔對路，原來我地應該搭巴士去旅遊塔落車比較近。
好彩我地依條路線可以欣賞一下五光十色的澳門夜景
還可以看到主教山上亮了燈的西望洋聖堂，還可以告訴逸逸：爸爸媽媽當年就是在那兒搭婚照，家中掛著的婚紗相就是在那兒拍的了。
我們大約9:15PM來到煙花炮竹燃放區
本來打算也像去年一樣買滴滴金俾逸逸玩，點知行到埋舖頭，話要成$100一紮，話便宜俾我都要$80，明明記得沒有這麼貴，於是我嘗試講價，隨便說去年在氹仔買只要$50，店家反問是不是最後那一天，我說也是年三十晚，結果傾唔成，咁貴我就真係唔捨得玩，好彩逸逸只係小小失望。
睇返去年的遊記，原來真的是$50，不過是更便宜的$50兩紮，是澳門半島特別貴，還是今年加價加得厲害？
我地睇下人放煙花都咁開心
又去睇下人地燒炮仗
今年放煙花的人好疏落咁，明顯無去年在氹仔咁熱鬧，而且放的煙花也比較小型，好多時都係依類座地煙花。
就算射上天的也只是一發一發的爆，完全沒有氣勢可言，是因為今年的煙花太貴嗎？
到我們離開時終於見到有一發比較似樣的。
我地行返過去旅遊塔搭巴士返酒店。
房的煙味實在太勁，返房之前去咗COUNTER叫職員幫手係房入面噴下空氣清新劑。
沖完涼飲埋RITA雜果汁，一齊睇埋TVB倒數節目就瞓覺LU~新年快樂﹗