二零二五年四月二十日 (星期日)
今日逸逸爵士舞考試，考完試返到屋企已經3:15PM，沖個涼洗乾淨個膠水頭就要出發去機場了。
我地坐UBER去機場，根據返記錄係4:37PM落車，行去大堂用自助CHECK IN機辦理CHECK IN手續，再去寄埋行李，完全唔駛排隊，4:54PM已經行到去翠華餐廳門口了。
因為我地搭6:50PM的飛機，去到台灣要8點幾，去到酒店放低行李再吃晚飯已經好夜，所以要先食一個豐富的下午茶打下底先。
又係中場客運廊上機，依架電車2歲半的逸逸已經影過，當時可以行入去司機位個度影，依家入面放滿貨。
旅行標準打咭相
好靚的日落
通常飛機未READY就大家係候機大堂等，俾得你檢查登機証就可以穿過通道直接上機。今次上機好搞笑，大家排晒隊係條通道個度但又唔上得機，入面係有少少焗，但係完全無人嘈，這個可能是加快流程的方法，大家都情願可以早啲起飛早啲到達目的地。
我地提早超過兩小時到機場都坐唔到三連位，仲要如果跟登記証單丁位係屬於逸逸的，逸逸對於無得坐返自己個位有點小納悶。
因為我誤會咗逸逸一返學個星期一就要默中文，於是虎媽上身一上機就要佢溫默書，點知原來係再過一星期先默，所以成個旅程只係溫咗一次。
預備降落小港機場喇~
高雄你好﹗
機場的人唔多，過關取行李都好快，9:00PM就換埋台幣預備搭捷運去酒店了。
我地非常老土，成屋都係悠遊咭但係竟然唔記得帶，結果又要買三張新的。另外，原來6歲以上就要付全票喇~
今次我們比較多搭台鐵，所以住在高雄車站附近，這時是9:40PM，點解可以靜得咁緊要？
舊高雄車站的建築物正在修復中，唔知遲啲會唔會變成博物館？
今次我們住在高雄車站對面的康橋商旅 – 高雄站前館，非常方便。
空間小小的三人房，但床非常舒服。
吃晚餐的地點一早就鎖定了在酒店旁邊的道品牛肉麵。其實我也是第一次聽到這家道品牛肉麵，看到GOOGLE MAP評分有4.8分(仔細望評論原來曾經做過給5星好評送小菜一碟的優惠)，知道是由台北來的牛肉麵店，最重要的是開到半夜12時。
店面有點奇怪，一半招牌是道善法門，店內擺放很多神像，也設有神壇，也有很多有關道善法門的資訊。回來查一下，原來道品牛肉麵由道善法門創立，創辦人張耀真人據稱受關聖帝君指示，與前五星晶華飯店大廚林承漢攜手合作共創「道品」這個品牌，我們光顧的高雄旗艦店每週 二、三、四下午也會固定發放免費愛心麵給需要幫助的人。
我們點了一碗傳承紅燒牛肉麵以及兩碗香甜清燉牛肉麵，我同恆仔SHARE兩種口味，逸逸就吃保証不辣的香甜清燉牛肉麵。
逸逸自小就鍾意食台灣的牛肉湯麵，對，就是不吃牛肉，而且好細個已經有能力自己食一碗，但點餐的時候我沒有想起在台灣可以為她點一碗價格較便宜的牛肉湯麵。
湯底比較濃郁的傳承紅燒牛肉麵，的確係有少少辣。
湯底清甜的香甜清燉牛肉麵
兩款湯底都好好吃，牛肉燉得非常軟腍，最厲害的是逸逸竟然除咗食晒成碗麵同埋菜之外，仲食咗兩大件牛肉，仲話依間可以再嚟添﹗
我們也點了兩款小菜，分別是老滷香豆干以及爽脆小黃瓜，味道都唔錯。
店家還有常溫原盒牛肉麵可以買回家，價錢和在店內吃一樣，我突然懷疑我們吃的會不會都是在廚房內加熱的調理包？哈哈~
酒店送了一張酒吧的飲品券，給逸逸換了果汁，我和恆仔就去旁邊便利店買飲品，還買了非常有台灣特色的甘草芭樂乾呢﹗