繼續向著豪斯登堡進發，下一個休息站是位於伊萬里市的いまり夢みさき公園。
いまり夢みさき公園是我在用GOOGLE MAP找尋由呼子前往豪斯登堡之間的景點位時找到的，GOOGLE MAP表示公園是24小時開放。當我們來到公園的時候，看到有牌子寫著營業時間到6PM，我們到達的時候剛剛過了6PM，好擔心會讓逸逸失望。好彩還是有條小通道通往遊樂場，公園內也有其他遊人。
泊好車之後首先見到的小小遊樂場不是我在網上看到的那個設有大型遊具的遊樂場，不過都玩下先。
影下相都幾靚
行上小斜坡，終於見到我係網絡上面睇到嗰個大型遊具了。
可能因為日本的小朋友已經放完暑假剛剛開學，又已經到了差不多吃晚飯的時間，所以開頭沒有小朋友在玩，後來也只是多來了一個。不過逸逸有了去年在沖繩玩日本大型遊具的經驗，亦記得我去年在遊具上撞傷過頭所以不會陪她爬上去玩，她自己也能自得其樂。
再次挑戰飛索，去年仲要我抱佢坐上去，今年可以自己做得到喇~
睇下成功咗既逸逸幾開心﹗
見到有人在公園練跑，我都有點心癢癢的想跑埋一份。
原來草地上面還有體能訓練
位於湖邊的公園停車場，今次我地真係要去今日的尾站豪斯登堡了。
今次我們入住豪斯登堡日航酒店
我地會在這間小巧的三人房住兩個晚上
看其他人的遊記都說要在豪斯登堡的酒店吃自助餐，但我們所住的日航酒店沒有自助餐，但要再去其他酒店又好像很麻煩所以一直沒有安排訂位。來到豪斯登堡日航酒店發現原來酒店也有在做SEMI BUFFET，而且其中一個主菜是我想吃的佐世保名物檸檬牛扒，於是就敲定今晚晚餐的地點。
BUFFET枱的食物唔算很多，不過湯、沙律、甜品、雪糕都一應俱全，而且味道唔錯。
小朋友餐的主菜是炸蝦和漢堡扒配意粉和薯條。
主菜檸檬牛扒上場，薄薄的和牛用鐵板上菜，牛肉全熟都仲係好嫩，好味道到食咗兩啖之後出去buffet枱裝咗碗長崎米煮的白飯一齊食，恆仔仲話想研究下點煮出嚟添~
連平日對肉好揀擇，同埋白飯一向可免則免的逸逸，依個牛+飯的組合Keep住Encore，仲話配埋白飯更加好食，係咪好厲害。可憐她的兒童餐食物要我和恆仔執手尾……
餐廳職員送咗個摺紙俾逸逸，只要向著它吹氣就會轉動，好玩。
飯後我同逸逸去咗浸溫泉，好舒服。(相片摘自酒店網頁)
臨瞓係酒店便利店買咗罐SOUR RELAX下~明天我地就要去豪斯登堡玩喇~