二零二五年八月二十七日(星期二)
今天我們要去豪斯登堡玩LU~出發之前先去酒店的餐廳食早餐。
豪斯登堡日航酒店的自助早餐食物款式很有特式，因為他會跟大家堆介長崎的特色食物，例如長崎そのぎ茶粥(蒸製玉綠茶煮成的粥)、長崎かんぼこ(魚糕)、長崎皿うどん(炸麵配材料豐富的芡汁)、長崎縣產天然鯛炊き込みご飯(天然鯛魚飯)以及長崎カステラ(長崎蛋糕)，恆仔仲話在香港食咗咁多年長崎蛋糕，乜原來真正的長崎蛋糕係咁好食。
可以推車仔揀嘢食，啱晒小朋友。
我就梗係試下啲特色食物喇~SPECIAL HIGHLIGHT：右上角紅色的是明太子醬(心心眼)
今日我地要入園喇~
行酒店通道真係超方便，出門口行幾步就到豪斯登堡，今次真係無book錯酒店。
豪斯登堡佔地很廣，有需要可以坐免費SHUTTLE。
本來諗住去玩滑索，結果逸逸唔夠重無得玩。
經過恐龍森林見啱啱入得就走咗入去。原來依個係一個密室逃脫類遊戲，成功過晒三關的據說只有1%的人。
第一關係7分鐘內掃QR Code搵五件恐龍骨，場內除咗真正的QR Code之外，仲有大量錯誤的Code，以及清除晒你所有手頭上已收集到的恐龍骨，結果我們在最後10秒完成任務過關。
去到第二關的集合點，原來剛才超過10組的參賽者，連埋我們一家只有兩組成功進入第二關。第二關就係一個醫療室之類的地方搵數字密碼，要打開櫃桶爬入枱底周圍搵，現場又係有大量錯的密碼，結果進入第二關的兩組全軍覆沒。
無諗過原來恆仔可以咁有野心，如果今日佢take lead，可能要重覆玩到成功為止。
之後我地入咗巧克力伯爵館參觀，入面好多朱古力呀~
不過依度最有趣的是付500円可以係魔法水龍頭自己裝朱古力來飲，都幾好味架~
我們欣賞了以洪水來襲為題材的HORIZON ADVENTURE，大量的水蜂擁而至都幾震撼。
之後我地去玩大型扭蛋機扭下蛋
我地抽到隻黃色的熊仔
今次來豪斯登堡我有同逸逸做預習，同佢睇下樂園的網頁等佢有所期待。依個三層高的摩天輪真係好Fancy，依個係逸逸同我一齊睇網頁時最吸引的設施，我地梗係上三樓玩喇，記住排隊時已經要決定好自己想坐邊層架喇~
好美雨傘陣
之後我地去咗Trick Art Museum，逸逸只有在嬰兒時期去過相類似的設施，長大之後還是第一次玩，佢平日本身都係一個戲子，所以玩得好投入。
除咗逸逸之外，今次恆仔、我同埋KIKI都有粉墨登場，逸逸玩到唔捨得走。