二零二四年三月二十六日(星期二)
這天放假，逸逸放學後恆仔話要帶我地去他上次搵櫃員機提款時發掘的商場 – 寶能all city。由於時間尚早未夠鐘食晚餐，見到有間舖頭可以玩室內卡丁車，雖然唔便宜，不過難得個場無人好似我地包場咁，加上其實我都未玩過，即管一家三口一齊試下。
原來駕駛卡丁車可以鍛煉孩子16項能力
因為佢車速其實都唔快，大人唔駛戴安全帽，只有小朋友要戴。
小車手出發喇~
我跟係逸逸後面捕捉她駕駛的英姿
點解可以影到我地兩母女的駕駛照？因為佢個PLAN係包10個圈，恆仔最早玩完所以先行落車，後來雖然我都已經夠10個圈，不過職員叫我留係賽道陪逸逸玩到夠數為止，所以就連我都影到相喇~
室內卡丁車初體驗成功﹗