今日的節目非常豐富，離開MOVIE WORLD之後我們就行過去隔離食晚餐睇SHOW。
AUSTRALIAN OUTBACK SPECTACULAR是一個關於澳洲大陸的牛仔SHOW
表演7:30PM開始，但係觀眾6:15PM就可以入場，不過我亦建議大家盡早到，因為好多嘢做。
首先每人有頂帽做禮物，有人是藍色絲帶有人是紅色絲帶說是分組用，不過又看不出明顯的作用，然後就是排隊影相。
攝影師幫我們一家三口影了合照，又幫逸逸影了獨照，之後就KEY上不同的背景，於演出後可以在網上購買，如果不是之後拍了特別想買的相片，其實的確不會花這些錢。
開始前大家都聚在仿照六、七十年代中部牛仔酒吧設計的大廳，有酒吧可以買飲品，也有紀念品店可以逛逛。
大家都戴住牛仔帽
依個時候的逸逸已經超級興奮
大廳仲有樂隊演奏，依晚演出的是Bo’ness Brothers。
又可以同有份演出的馬明星同埋狗明星SAY個HELLO。
仲可以同佢地影相，不過影完相的結果咪就係買相囉﹗
可以入場喇~
今晚我地一邊食晚餐一邊睇Show，晚餐包括頭盤、主菜、甜品加埋飲品，最後還有Coffee or Tea。
飲品方面除了紅白酒之外，仲有啤酒同埋lemonade，但係因為由唔同的職員負責，第一個serve飲品的只有紅白酒和水的選擇，我就揀咗紅酒，但係恆仔同逸逸就成晚都飲水。
頭盤是窯烤蔬菜和山羊乾酪餡餅配野生芝麻菜和特製鳳梨酸辣醬，真係無諗過逸逸可以自己食晒成個頭盤。
我們一邊享用住頭盤，演出亦正式開始。
這是一個關於兩個苦苦掙扎的澳大利亞農民 Reg 和 Marge 的愛情故事，以及他們如何在鄰里及朋友的幫助下克服乾旱帶來嚴酷的生活現實。這個表演把觀眾帶回到以前的澳洲，同時藉著表演，介紹了原住民的畜牧、牧場生活、 趕羊表演、馴馬表演、直升機圈牛、競旗賽等。
我們一邊欣賞精彩的表演，職員一邊摸黑為我們繼續上菜。
主菜在訂票時已經要預先選擇，可選炙烤肋眼澳洲牛排或嫰雞胸肉，配以濃鬱的梅子醬佐烤南瓜，青豆和馬鈴薯，我和恆仔都揀食牛排，味道正常。
對於不愛吃肉的逸逸，牛扒同雞都唔啱食，知道有素食的選擇，但係在網上搵唔到實際是吃什麼，不過都只能大膽地為她選素食，最壞的情況都可以食我們的南瓜同埋薯蓉。
最後素食的主菜是蕃茄燉雜菜，啱晒逸逸口味，只係份量太多食唔晒者。
逸逸睇得好投入，雖然聽唔明英文對白，但仍然睇到唔肯中途去洗手間。
甜品是巧克力撻淋上美味的蜂蜜海鹽焦糖醬佐巧克力泥
聚精匯神咁睇SHOW
晚餐以一杯熱咖啡作結
這個演出很精彩，氣氛也很好，來黃金海岸是值得來看的。
演出完結後立即帶逸逸上洗手間，時間已經太晚沒有公共交通工具，所以我地直接CALL UBER返酒店了。