二零二五年五月九日(星期五)
今天我們又來赴五月之約喇~
今次是五月天第一次在啟德主場館舉辦演唱會，演唱會7PM開始，又要吃飯入場又要安檢，加上以往印象就是大場館通常入場的效率很慢，雖然聽說場館內有小食店又擔心很遠又要排長龍，就算坐UBER去時間都好似好趕咁，反正有實在太多不肯定因素，覺得非常不安，最後決定拎半天大假，悠悠閒閒咁搭地鐵去啟德站，再在啟德零售館的美食廣場吃晚餐，再慢慢行去主場館。
周圍都係五月天
好大好美的啟德主場館
我們在F閘進入場館
五月天我們來喇~
小食亭的價錢是略貴，COUNTER很多不用怎麼排隊。另外場館也有大量水機，旁邊放有紙杯，不用擔心不能攜帶有蓋水樽的問題。
啟德主場館真係好大
我們買的是青綠色$1155的門票。
連續兩年冒雨睇五月天演唱會，今年終於可以舒舒服服仲有冷氣嘆，不過五月天最後仍然成功令我熱血沸騰得流晒汗。
我地開場前裝定水睇演唱會時嗌到聲嘶力竭時就有水飲
開場之前坐後面有個姐姐送咗個知足牌仔俾逸逸呀~
7:15PM演唱會正式開始。
今日由7:15PM唱到10:30PM，唱足3小時15分鐘，真係盡興而歸。
記得以前講過戶外演唱會真好，戶外場地夠大才可以展現五月天演唱會真正的神級舞台效果，今日才知道原來只是香港以往的室內場地太細，今日看到的舞台不再受任何風吹雨打所打擾，正到唔得閒望佢哋五個。
可能亦因為咁，今年竟然久違了的相對較近位置看到阿信、怪獸、石頭、瑪莎同埋冠佑本尊，佢哋仲邀請咗坐最後一排山頂的觀眾點歌添！
每年來看五月天演唱會，都是一個機會喚醒自己的初心，提醒自己要勇於追求自己的夢想，勇於表達自己的想法，記住不要委曲求存，不要做讓自己後悔的事。
演唱會POINT TO NOTE：
- 一開始音響好差，應該一直有ONGOING調節，感覺時好時壞，後來算是進入狀態，但結他SOLO時音飾都唔係咁清，期待下年有更佳的音響；
- 視訊玩埋天花板同埋看台圍欄真係好正；
- 除咗TALKING之外由頭企到尾，氣氛好好；
- 點歌環節超搞笑，先有接受山頂位最後一排觀眾的歌迷點歌，再有將會離港的SIRI點「胎音」唔知點算好最後唱咗超讚但錯歌詞的抒情版「兩隻老虎」，然後又有來自墳裏(粉嶺)的歌迷俾咗字體太細的歌詞主唱大人搞到佢想用手放大，又問香港係咪無A4紙，仲向SIRI求救；
- 任賢齊是今晚觀眾之一，五月天特別唱了幾句「對面的女孩看過來」
- ENCORE環節成功在啟德主場館玩人浪，好有氣勢，場地大特別壯觀
離場好SMOOTH，去廁所都唔駛排隊，我地向住宋皇臺站方向搭巴士，一路上完全無人迫人的感覺，逸逸經過公園仔仲要爬幾下先肯走。
連巴士都有#5525回到那一天MAY DAY字樣架
由5月1日至13日期間限定快閃店「MAYDAYLAND」進駐AIRSIDE：
適逢5月5日同婆婆在AIRSIDE慶祝母親節，我地都去咗影相。
依件香港場限定TEE好靚呀~