6PM我地就落去大餐廟會開餐了。
今日是星期五，開始時明顯無上次復活節假期來的時候咁多人，我仲諗咁既人流點SUPPORT到咁多嘢食咁大規模的自助餐？不過開始晏就越來越多人，仲可以形容為人頭湧湧添﹗你話佢依個自助餐幾咁有吸引力。
今次我地熟悉咗環境，盡量每冷拎咗食物都搵個地方坐低食，咁樣先可以保留足夠的體力玩成晚。
飲品車好多不同款式的飲品
逸逸剛才睇中咗的墨西哥卷，職員話辣辣地，好彩佢都食到同埋個味道都接受到，仲話好味添~
茅廁臭豆腐 – 個名真係改得夠晒勁﹗依度的臭豆腐外脆內軟真係好好食。
即席烹調的黃酒煮雞蛋，仲可以揀用雞蛋、竹絲雞蛋定鵪鶉蛋整，令我誤會係黃酒煮烚蛋，原來係蛋花，我諗要食神先分得出三種雞蛋的味道。
因為係桂林食咗好多竹筒飯，今次見到都好想食，今日係親眼睇住職員劈開睩竹，同埋個飯超級好食，我同逸逸都認証比桂林吃到的好食得多。另外平日成日見到有小販賣糖炒栗子，今日終於有機會俾逸逸試食，好味~
因為已有心理準備，今次無上次食得咁過分，同埋每次職員給我食物時都叫少啲少啲，希望個胃可以有空位試多啲其他食物。
我地係大餐廟會行來行去，每次經過我地間房都會同樓上的KIKI打招呼架~
食到咁上下我地去玩下攤位遊戲，今次大家都有幫手贏到遊戲券。
恆仔就打籃球
我就靠射箭，今次由弓箭轉咗十字弓，好似啱我玩咗。
逸逸推冰壺推到紅心贏到5張遊戲券呀﹗
今次我地試咗上次未試的整糖餅。
真係搞死我依個手殘的人
最後淨返的遊戲券，玩扯線公仔抽到隻小芝士公仔，又換咗個猜包剪揼小玩具，逸逸滿載而歸。
食飽飽就向住煙花場行過去。
影下御溫泉的夜景
出到外面又有另一套遊戲券繼續玩攤位遊戲。
由細到大見到泡泡就控制唔住自己係度自HIGH
依家除了用煙花券換滴滴金之外，仲可以俾錢買煙花來放。依度滴滴金只售18元，小型的盒裝煙花也是幾拾蚊有交易，你叫我點捨得花接近100蚊係澳門玩滴滴金？
這是套票包的免費煙花，玩完依度已經夠晒皮，唔駛額外花錢了。
又可以欣賞下人地放的小型煙花
依款爆得幾勁，第一下真係俾佢嚇親。
輪流陪逸逸玩
整返張巫師對決POSE先
恆仔幫我地用AI改動整咗張HARRY POTTER風的相片呀~幾有型﹗
放完煙花就完美結束今日的活動了。